പറവൂർ : പുനർജനി പറവൂരിന് പുതുജീവൻ പദ്ധതി പ്രകാരം പ്രളയാനന്തര പുനർനിർമാണ പ്രവർത്തനങ്ങളുടെ ഭാഗമായി നിർമിച്ച രണ്ട് വീടുകളുടെ താക്കോൽദാനം മുൻ മുഖ്യമന്ത്രി ഉമ്മൻചാണ്ടി നിർവഹിച്ചു. വി.ഡി.സതീശൻ എം.എൽ.എ അദ്ധ്യക്ഷത വഹിച്ചു. കെ.പി.സി.സി ജനറൽ സെക്രട്ടറി വത്സല പ്രസന്നകുമാർ, കെ.എ. അഗസ്റ്റിൻ, എം.ടി. ജയൻ, പി.വി. ലാജു, പി.ആർ. സൈജൻ, നഗരസഭ ചെയർമാൻ രമേഷ് ഡി. കുറുപ്പ്, അനിൽ ഏലിയാസ് തുടങ്ങിയവർ സംസാരിച്ചു. വടക്കേക്കര പഞ്ചായത്ത് മുറവൻതുരുത്ത് കോച്ചേരി സജീവിന്റെയും ഒറവൻതുരുത്ത് കൂവപ്പറമ്പിൽ രാധാകൃഷ്ണന്റെയും കുടുംബത്തിനാണ് വീടു നിർമിച്ചിരിക്കുന്നത്. കേരള പ്രദേശ് കോൺഗ്രസ് കമ്മിറ്റിയാണ് വീട് നിർമാണത്തിന് സാമ്പത്തിക സഹായം നൽകിയത്.