മൂവാറ്റുപുഴ: യു.ഡി.എഫ് സർക്കാർ വന്നാൽ മൂവാറ്റുപുഴ ജില്ലയ്ക്കായി പരിശ്രമിക്കുമെന്ന് പ്രതിപക്ഷനേതാവ് രമേശ് ചെന്നിത്തല പറഞ്ഞു. മൂവാറ്റുപുഴയിൽ ഡോ.ഡി. ബാബുപോൾ അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പ്രൊഫ. ബേബി എം വർഗീസ് അദ്ധ്യക്ഷത വഹിച്ചു. ബാബുപോളിന്റെ സഹോദരൻ റോയ് പോൾ അനുസ്മരണ പ്രഭാഷണം നടത്തി. യാക്കോബായ സഭ മൂവാറ്റുപുഴ മേഖലാ ബിഷപ്പ് മാത്യൂസ് മാർ അന്തിമോസ് അനുഗ്രഹ പ്രഭാഷണം നടത്തി. മുൻ എം എൽ എമാരായ ജോസഫ് വാഴയ്ക്കൻ, ജോണി നെല്ലൂർ, റസിഡൻസ് അസോസിയേഷൻ താലൂക്ക് പ്രസിഡന്റ് പ്രൊഫ. ജോസുകുട്ടി.ജെ. ഒഴുകയിൽ, എൽദോ ബാബു വട്ടക്കാവിൽ എന്നിവർ സംസാരിച്ചു.