തൃപ്പൂണിത്തുറ : എസ്.എൻ.ഡി.പി യോഗം തെക്കുംഭാഗം ശാഖയിലെ വനിതാ സംഘത്തിന്റെയും യൂത്ത് മൂവ്‌മെന്റിന്റെയും സംയുക്താഭിമുഖ്യത്തിൽ ആയുർവേദ കോളേജിന്റെ സഹകരണത്തോടെ സൗജന്യ ആയുർവേദ ക്യാമ്പ് ഇന്ന് ( ഞായർ) സംഘടിപ്പിക്കും.
ചിറ്റേക്കടവ് റോഡിലെ ശാഖാ മന്ദിരത്തിൽ നടക്കുന്ന ക്യാമ്പ് രാവിലെ ഒമ്പതിന് എസ്.എൻ.ഡി.പി യോഗം കണയന്നൂർ യൂണിയൻ അഡ്മിനിസ്‌ട്രേറ്റീവ് കമ്മിറ്റി അംഗം എൽ. സന്തോഷ് ഉദ്ഘാടനം ചെയ്യും. ശാഖാ സെക്രട്ടറി സോമൻ മാനാറ്റിൽ അദ്ധ്യക്ഷനാകും. ജിയോജിത് അസോസിയേറ്റ് ഡയറക്ടർ സനിൽ പൈങ്ങാടൻ, ശാഖാ വൈസ് പ്രസിഡന്റ് കെ.എസ്. രാഗേഷ് എന്നിവർ സംസാരിക്കും. ഡോ. ജ്യോതി .ആർ. ക്ലാസെടുക്കും. വനിതാ സംഘം കൺവീനർ ബിന്ദു ഷാജി സ്വാഗതവും യൂത്ത് മൂവ്‌മെന്റ് കൺവീനർ പി.ആർ. ജയൻ നന്ദിയും പറയും.