കോലഞ്ചേരി: പൊതുജനങ്ങൾക്ക് രക്ഷാപ്രവർത്തനങ്ങളിൽ പരിശീലനം നൽകുന്നതിന് കമ്മ്യൂണി​റ്റി റെസ്‌ക്യു വാളണ്ടിയർ ടീം രൂപീകരിക്കുന്നതിന്റെ ഭാഗമായി വലമ്പൂർ കോലാംകുടിയിലെ നവധാര വായനശാലയിലെ അംഗങ്ങൾക്ക് പട്ടിമ​റ്റം അഗ്‌നി രക്ഷാ സേനയുടെ നേതൃത്വത്തിൽ ക്ലാസുകൾ നൽകി. വായനശാലയിലെ അമ്പതോളം അംഗങ്ങൾ പങ്കെടുത്തു. തീപിടിത്തം, കിണർ അപകടങ്ങൾ, എൽ പി ജി, ഇലക്ട്രിസി​റ്റി സംബന്ധമായ അപകടങ്ങൾ എന്നിവയെ കുറിച്ച് സേനാംഗങ്ങൾ ക്ലാസെടുത്തു. ഗ്യാസ് സിലിണ്ടറിലെ തീ അണയ്ക്കുന്ന മാർഗങ്ങൾ, കിണർ അപകടങ്ങളിൽ കയറുപയോഗിച്ച് ആളുകളെ രക്ഷപെടുത്തുന്ന രീതി തുടങ്ങിയവ അവതരിപ്പിച്ചു.ക്ലാസുകൾക്ക് സ്​റ്റേഷൻ ഓഫീസർ ടി സി സാജു നേതൃത്വം നൽകി. ബിബിൻ എ തങ്കപ്പൻ, കെ എ ഉബാസ് , ബി അരുൺ, കെ എം ബിബി തുടങ്ങിയവർ ക്ലാസുകൾ നയിച്ചു.