വൈപ്പിൻ.: തലയെടുപ്പുള്ള 20 ഗജവീരന്മാരെ പങ്കെടുപ്പിച്ചുകൊണ്ടുള്ള ആനയൂട്ട് ചെറായി ശ്രീ ഗൗരീശ്വര ക്ഷേത്രാങ്കണത്തിൽ 4 ന് രാവിലെ നടക്കും.. ചെറായി ഗജസേന ആനപ്രേമി സംഘമാണ് ആനയൂട്ട് സംഘടിപ്പിക്കുന്നത്.. രാവിലെ 5.30 ന് തന്ത്രി പറവൂർ രാകേഷ് , മേൽശാന്തി എം ജി രാമചന്ദ്രൻ എന്നിവരുടെ കാർമ്മികത്വത്തിൽ മഹാഗണപതി ഹോമം ആരംഭിക്കും.. തുടർന്ന് ഗജപൂജ.. രാവിലെ 8.30 ന് 20 ഗജവീരൻമാർക്ക് ചോറും മധുരങ്ങളും നൽകി​ഊട്ട് നടത്തും.. ആനയൂട്ട് ദിവസത്തേക്ക് രണ്ട് കോടി രൂപയുടെ ഇൻഷുറൻസ് പരിരക്ഷ ഏർപ്പെടുത്തിയിട്ടുണ്ട്.. വൈദ്യസഹായവും ഒരുക്കുന്നുണ്ട്..പരിപാടികൾക്ക് പ്രസിഡൻറ് എ ടി ബിജു, സെക്രട്ടറി ശ്രീജിത്ത് സോമൻ, ഖജാൻജി ടി ബി പ്രമോദ്, ഭജേഷ് ഭരതൻ , ദീപു വി പി തുടങ്ങിയവർ നേതൃത്വം നൽകും.