# 282 ഗ്രാം സ്വർണവുമായി മലപ്പുറം സ്വദേശിയും പിടിയിൽ

നെടുമ്പാശേരി: കൊച്ചി രാജ്യാന്തര വിമാനത്താവളത്തിൽ സ്വർണവും സ്വർണ മിശ്രിതവുമായി യുവതി പിടിയിൽ. എയർ ഏഷ്യ വിമാനത്തിൽ കോലാലംപൂരിൽ നിന്നെത്തിയ ഗുജറാത്ത് സൂറത്ത് സ്വദേശിനി തസ്ളീംബാനു മുഹമ്മദാണ് പിടിയിലായത്. ഇവരിൽ നിന്ന് ഒരു കിലോ സ്വർണമിശ്രിതവും 250 ഗ്രാം സ്വർണവും പിടിച്ചെടുത്തു.

സ്വർണ മിശ്രിതവും സ്വർണവും ചെറിയ ഭാഗങ്ങളാക്കിയാണ് മലദ്വാരത്തിലടക്കം ഒളിപ്പിച്ചിരുന്നത്. കസ്റ്റംസ് എയർ ഇന്റലിജൻസ് നടത്തിയ പരിശോധനയിലാണ് സ്വർണം കണ്ടെത്തിയത്. സ്വർണ മിശ്രിതത്തിൽ നിന്ന് സ്വർണം വേർതിരിച്ചെടുക്കുന്നതിനായി കസ്റ്റംസ് ലാബിലേക്ക് അയച്ചിരിക്കുകയാണ്. മലയാളി സംഘത്തിന് വേണ്ടിയാണ് ഇവർ സ്വർണം കടത്തിക്കൊണ്ട് വന്നിരിക്കുന്നതെന്ന് കസ്റ്റംസിന് വിവരം ലഭിച്ചിട്ടുണ്ട്.

ജിദ്ദയിൽ നിന്ന് കൊച്ചിയിലേക്ക് വന്ന മലപ്പുറം സ്വദേശിയിൽ നിന്ന് 282 ഗ്രാം സ്വർണം പിടികൂടി. ഒാലക്കര പടിൻഹരയിൽ മുഹമ്മദാണ് മൂന്ന് സ്വർണ ബിസ്ക്കറ്റുമായി കസ്റ്റംസിന്റെ പിടിയിലായത്. ജിദ്ദയിൽ നിന്ന് ഇന്നലെ രാവിലെ 9.10ന് കൊച്ചിയിലെത്തിയ വിമാനത്തിലാണ് പ്രതിയെത്തിയത്.