അടിമാലി: താലൂക്കാശുപത്രിയിലെ കുട്ടികളുടെയും പുരുഷൻമാരുടെയും വാർഡുകൾ ആശുപത്രിയുടെ പുതിയ ബ്ലോക്കിലേക്ക് മാറ്റി പ്രവർത്തനമാരംഭിച്ചു.പുതിയ ബ്ലോക്കിന്റെ രണ്ടാം നിലയിലായിലാണ് പുതിയ വാർഡുകൾ തുറന്നിട്ടുള്ളത്.അടിമാലി ബ്ലോക്ക് പഞ്ചായത്ത് പ്രസിഡന്റ് ആർ മുരുകേശൻ പുതിയ വാർഡുകളുടെ ഉദ്ഘാടനം നിർവ്വഹിച്ചു. അടിമാലി താലൂക്കാശുപത്രിയിൽ എത്തുന്ന ദന്തരോഗികൾക്കായുള്ള ഡന്റൽ മെക്കാനിക്കൽ ലാബിന്റെ ഉദ്ഘാടനം ബ്ലോക്ക് പഞ്ചായത്ത് ആരോഗ്യ സ്റ്റാൻഡിംഗ് കമ്മറ്റി ചെയർമാൻ അലോഷി തിരുതാളി നിർവ്വഹിച്ചു.കുറഞ്ഞ നിരക്കിൽ രോഗികൾക്ക് ദന്തവിഭാഗം സംബന്ധിച്ച ചികത്സ ലഭ്യമാക്കുകയാണ് പുതിയ ലാബിന്റെ ലക്ഷ്യമെന്ന് ദന്തവിഭാഗം സർജൻ സുജയ് മത്തായി പറഞ്ഞു.നിർമ്മാണം പൂർത്തീകരിച്ച പുതിയ ആശുപത്രി കെട്ടിടത്തിൽ കാഷ്വാലിറ്റിയും അനുബന്ധ യൂണിറ്റുകളും സ്ത്രീകളുടെ വാർഡുമാണ് പ്രവർത്തിച്ചുവരുന്നത്.

അടിമാലി താലൂക്കാശുപത്രി പുരുഷ വാർഡിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് ആർ. മുരുകേശൻ നിർവഹിക്കുന്നു.