തൊടുപുഴ:നാളികേര വികസന ബോർഡിന്റെ ദേശീയ പുരസ്‌കാരങ്ങൾക്ക് അപേക്ഷ സമർപ്പിക്കുന്നതിനുള്ള അവസാന തിയതി ജൂലായ് 30 വരെ നീട്ടി. കേര മേഖലയിലെ മികവ് പ്രോത്സാഹിപ്പിക്കുക എന്ന ലക്ഷ്യത്തോടെയാണ് ബോർഡ് നാളികേരവുമായി ബന്ധപ്പെട്ട വ്യക്തികളിൽ നിന്നും സ്ഥാപനങ്ങളിൽ നിന്നും അവാർഡിനുള്ള അപേക്ഷകളും നാമ നിർദ്ദേശങ്ങളും ക്ഷണിച്ചിരിക്കുന്നത്. നാളികേര കർഷകൻ, നാളികേര സംരംഭകൻ, ഗവേഷകൻ, നാളികേരാധിഷ്ഠിത കരകൗശല വിദഗ്ധൻ, നാളികേര ഉത്പ്പന്ന കയറ്റുമതി വ്യവസായി, വിജ്ഞാന വ്യാപന പ്രവർത്തകൻ, തെങ്ങു കയറ്റ തൊഴിലാളി (പരമ്പരാഗത തൊഴിലാളി, തെങ്ങിന്റെ ചങ്ങാതി, നീര ടെക്നീഷ്യൻ) മികച്ച നാളികേര ഉത്പാദക ഫെഡറേഷൻ, വനിതകളുടെ നേതൃത്വത്തിലുള്ള നാളികേര സംസ്‌കരണ യൂണിറ്റ്, ബോർഡിന്റെ മികച്ച വിത്തുത്പാദന പ്രദർശന തോട്ടം തുടങ്ങി 23 വിഭാഗങ്ങളിലാണ് അവാർഡ് നല്കുóത്.
മികച്ച നാളികേര കർഷകനുള്ള അവാർഡിന് സംസ്ഥാന കൃഷി - ഹോർട്ടിക്കൾച്ചർ ഡയറക്ടർമാർക്കാണ് നാമനിർദ്ദേശം അയയ്ക്കേണ്ടത്. മറ്റു വിഭാഗങ്ങളിലേയ്ക്കുള്ള അപേക്ഷകൾ ചെയർമാൻ, നാളികേര വികസന ബോർഡ് കൊച്ചി -11 എന്ന വിലാസത്തിലേയ്ക്ക് അയച്ചാൽ മതി. അപേക്ഷാ ഫാറവും വിശദാംശങ്ങളും ബോർഡിന്റെ ഓഫീസിൽ നിന്നും വെബ്‌സൈറ്റിൽ
ലഭ്യമാണ്.