ഇടുക്കി : സർഫാസി നിയമപ്രകാരം എടുത്തിട്ടുള്ള നടപടികൾ മൂലം സംസ്ഥാനത്ത് ഉളവായിട്ടുള്ള അവസ്ഥാവശേഷത്തെക്കുറിച്ച് പഠിച്ച് നിർദ്ദേശങ്ങൾ സമർപ്പിക്കുന്നതിന് എസ്. ശർമ എം.എൽ.എ അധ്യക്ഷനായി രൂപീകരിച്ച അഡ്‌ഹോക്ക് കമ്മിറ്റിയുടെ യോഗം 25ന് രാവിലെ 11ന് തൊടുപുഴ മുൻസിപ്പൽ കോൺഫറൻസ് ഹാളിൽ ചേരും. യോഗത്തിൽ ജില്ലയിലെ സാമാജികർ, പൊതുജനങ്ങൾ, ജനപ്രതിനിധികൾ, രാഷ്ട്രീയ നേതാക്കൾ, കർഷക സംഘടനാ നേതാക്കൾ, സർഫാസി നിയമം മൂലം ജപ്തിനടപടി നേരിടുന്നവർ, സമരസംഘടനാ പ്രതിനിധികൾ എന്നിവരിൽ നിന്നും നിയമത്തിലെ വ്യവസ്ഥകൾ സംബന്ധിച്ച് അഭിപ്രായങ്ങളും നിർദ്ദേശങ്ങളും പരാതികളും സ്വീകരിക്കും. യോഗത്തിൽ കമ്മിറ്റി ചെയർമാനെ കൂടാതെ 11 അംഗങ്ങളും പങ്കെടുക്കും.