ഇടുക്കി : കേരള സർക്കാർ, സംസ്ഥാന ദുരന്ത നിവാരണ അതോറിറ്റി, യു.എൻ.ഡി.പി എന്നിവയുടെ സഹകരണത്തോടെ 2018 ജൂലൈ ഓഗസ്റ്റ് മാസങ്ങളിലുണ്ടായ വെള്ളപ്പൊക്കത്തിലോ ഉരുൾപ്പൊട്ടലിലോ വീടിന് പൂർണ്ണമായോ ഭാഗികമായോ (15ശതമാനം മുതൽ 100ശതമാനം വരെ) നാശനഷ്ടം സംഭവിച്ചവർക്ക് ധനസഹായം നൽകുന്നു. പത്തനംതിട്ട, ഇടുക്കി, ആലപ്പുഴ, കോട്ടയം, എറണാകുളം, തൃശൂർ, പാലക്കാട്, വയനാട് എന്നീ ജില്ലകളിൽ താമസിക്കുന്ന കുടുംബങ്ങളിൽ നിന്ന് മുൻഗണനാക്രമത്തിൽ കാൻസർ രോഗികൾ/ ഡയാലിസിസ് രോഗികൾ/ മാനസിക പരിമിതരും കിടപ്പരോഗികളുമായ ഭിന്നശേഷിക്കാർ/ വിധവകൾ കുടുംബനാഥകൾ ആയിട്ടുള്ളതും കുട്ടികൾ എല്ലാവരും 2018 ഓഗസ്റ്റ് 31ന് 18 വയസ്സിന് താഴെയുള്ളതും ആയിട്ടുള്ള 7300 കുടുംബങ്ങൾക്ക് 'പ്രത്യുത്ഥാനം' എന്ന പദ്ധതി പ്രകാരം 25,000 രൂപ വീതം അധിക സഹായം നല്കുന്നു.
അപേക്ഷാഫോറം തദ്ദേശ സ്വയംഭരണ സ്ഥാപനങ്ങളിൽ നിന്നും നേരിട്ട് ലഭിക്കും . കൂടാതെ സംസ്ഥാന ദുരന്ത നിവാരണ അതോറിറ്റിയോ , അതാത് ജില്ലാ ഭരണകൂടത്തിന്റെയോ എൽ.എസ്.ജി.ഡി വകുപ്പിന്റെയോ സാമൂഹ്യനീതി വകുപ്പിന്റെയോ വെബ്‌സൈറ്റിൽ നിന്നും ലഭിക്കുന്നതാണ് . പൂരിപ്പിച്ച അപേക്ഷകൾ ആവശ്യമായ രേഖകൾ സഹിതം അടുത്തുള്ള അംഗൻവാടികളിൽ ജൂലായ് 31 ന് മുമ്പായി സമർപ്പിക്കണം.