തൊടുപുഴ: എൻ ജി ഒ യൂണിയൻ ജില്ലാ കമ്മിറ്റിയുടെയും കനൽ കലാവേദിയുടെയും നേതൃത്വത്തിൽ ചെസ്സ്‌ കാരംസ് രംഗത്ത് പ്രാവീണ്യമുള്ള സർക്കാർ ജീവനക്കാർക്കായി ജില്ലാതല മത്സരം ഇന്ന് രാവിലെ പത്തിന് തൊടുപുഴ എൻ ജി ഒ യൂണിയൻ മന്ദിരത്തിൽ ആരംഭിക്കും. ബാസ്‌കറ്റ്‌ബോൾ സംസ്ഥാന സെക്രട്ടറി ഡോ. പ്രിൻസ് കെ മറ്റം മത്സരങ്ങളുടെ ഉദ്ഘാടനം നിർവ്വഹിക്കും. ഓഗസ്റ്റ് 10ന് എറണാകുളത്ത് നടത്തുന്ന സംസ്ഥാനതല മത്സരത്തിന് മുന്നോടിയായാണ് ജില്ലാതല മത്സരം സംഘടിപ്പിക്കുന്നത്. മത്സരത്തിൽ പങ്കെടുക്കാൻ ആഗ്രഹിക്കുന്നവർ രാവിലെ 9ന് തൊടുപുഴ എൻ ജി ഒ യൂണിയൻ മന്ദിരത്തിൽ എത്തിച്ചേരണമെന്ന് എൻ ജി ഒ യൂണിയൻ ജില്ലാ സെക്രട്ടറി എസ് സുനിൽകുമാറും കനൽ കലാവേദി കൺവീനർ ജോബി ജേക്കബും അറിയിച്ചു.