​ഫറോക്ക്:എല്ലാവ​ർക്കും ​ സുരക്ഷിത ഭവനം​ എന്ന ഫറോക്ക് നഗരസഭ ഭരണസമതി​യുടെ ​ പ്രഥമ പരിഗണന​യുടെ ​ ഭാഗമായി​ ​ സ്ഥലമുള്ള വീടില്ലാത്ത 639 ഗുണഭോക്താക്കളെ തിഞ്ഞെടുക്കുകയും അതിൽനിന്ന് വീടുപണി പൂർത്തീകരിച്ച 148 ഗുണ​ഭോ​ക്താക്കൾ​ക്ക് ​ ലൈഫ് പദ്ധതിയുടെ ഭാഗമായി കേരളസർക്കാർ വർ​ദ്ധി​പ്പിച്ച 4 ലക്ഷം രൂപയിലേ​ക്കുള്ള ​ അവസാന ഗഡുവായ 1 . 5 ലക്ഷം രൂപയുടെ ചെക്ക് കള്ളിതൊടി​ ​രസ്നക്ക് നൽകികൊണ്ട് തൊഴിൽ എക്സൈസ് വകുപ്പ് മന്ത്രി ടി .പി. രാമകൃഷ്‌ണൻ ഉ​ദ്​ഘാടനം ​ചെയ്‌തു .

കേരളത്തിന്റെ സമ​ഗ്ര ​വികസനത്തിനായി സർക്കാർ നടപ്പാക്കുന്ന നാലു മിഷനുകളിൽ ഒന്നായ ലൈഫ് എന്ന പദ്ധതിയിലൂടെ ഭവന രഹിതരായ എല്ലാവർക്കും ഭവനം നിർമ്മിച്ച് നൽകുക എന്ന ലക്‌ഷ്യം കൈവരിക്കുന്നതിനായി സർക്കാരിനോട് ഒപ്പം ചേർന്ന് പ്രവൃത്തിക്കുന്ന ഫറോ​ക്ക് ​ നഗരസഭയെ ​മന്ത്രി ​അഭിനന്ദി​ച്ചു ​ .

എല്ലാവ​ർക്കും ​ ഭവനം എന്ന ലക്ഷ്യം കൈവരിക്കുന്നതിനായി സമൂഹത്തിലെ കഴിവുള്ള സാമൂഹ്യ ​സംഘ​ടനകളും വ്യക്തികളും ഉൾപ്പെടെ മുന്നോട്ട് വരണമെ​ന്നും മന്ത്രി ​ പറഞ്ഞു . നിശ്ചിത മാനദണ്ഡങ്ങൾ അനുസരിച്ച് വീട് പണി പൂർത്തീകരിച്ചവരിൽനിന്ന് ​തിരഞ്ഞെടുക്കപ്പെട്ട ഒരു ഭവ​നത്തിന്ന് നൽകുന്ന കേഷ് അവാർഡും , പ്രശംസ ഫലകവും ചടങ്ങിൽ അ​ദ്ധ്യ​ക്ഷത വഹിച്ച ​വി.കെ.സി ​ മമ്മദ് കോയ ​എം.എൽ.എ ​ ചന്തക്കടവ്​ ​ടി.റാബിയ​ക്ക് ​ നൽകി നിർവഹിച്ചു .

നഗരസഭാ അ​ദ്ധ്യ​ക്ഷ ​കെ​.​കമറു ​ലൈല ​,​ നഗരസഭ ഡെപ്യൂട്ടി ചെയ​ർമാൻ ​ ​കെ ​ . മൊയ്തീ​ൻകോയ , പൊതുമരാമത്തു ​സ്ഥിരം സമിതി ​ ചെയ​ർമാൻ ​ ​പി ​ . ആസിഫ് , വിദ്യാഭ്യാസ സ്ഥിരം സമിതി​ ​ചെയർപേഴ്സൺ ​എം ​ .സുധർമ , ​​ ഗിരീഷ്‌കുമാർ , എ ബാലകൃഷ്ണൻ , ഷാജി പാറശ്ശേരി , മുരളീധരൻ പെരുന്തോടി , ​എൻ.പി ​ കബീർ ,​കെ.ടി.എ ​ മജീദ് ,​പി ​ മോഹനൻ മാസ്റ്റർ, വി അബ്ദുൽഅലി , ബഷീർ പാണ്ടികശാല , ​എൻ.ടി ​ജിതിൻ എന്നിവർ സംസാരിച്ചു .