മലപ്പുറം: കൈക്കൂലി വാങ്ങുന്നതിനിടെ മലപ്പുറം എടവണ്ണയിലെ വില്ലേജ് എക്സ്റ്റൻഷൻ ഓഫീസർ കൃഷ്ണദാസിനെ വിജിലൻസ് ഡിവൈ.എസ്‌.പി രാമചന്ദ്രന്റെ നേതൃത്വത്തിലുള്ള സംഘം പിടികൂടി.

എടവണ്ണ സ്വദേശിയായ പരാതിക്കാരന്റെ അമ്മയ്ക്ക് ലൈഫ് ഭവന പദ്ധതി പ്രകാരം പഞ്ചായത്ത് അനുവദിച്ച 75,​000 രൂപയിൽ നിന്ന് 3,​000 രൂപ വി.ഇ.ഒ ആവശ്യപ്പെട്ടിരുന്നു. തുടർന്നാണ് പരാതിക്കാരൻ വിജിലൻസിനെ സമീപിച്ചത്. വിജിലൻസ് നൽകിയ തുക ഇയാൾ വി.ഇ.ഒയ്ക്കു നൽകി. പിന്നാലെയെത്തിയ വിജിലൻസ് സംഘം ഇയാളെ കസ്റ്റഡിയിലെടുത്തു. ഇയാളെ കോഴിക്കോട് വിജിലൻസ് കോടതിയിൽ ഹാജരാക്കും