അടിമാലി: വൈസ്‌മെൻസ് ക്ലബ്ബിന്റെ 40ാമത് വർഷത്തെ ഭാരവാഹികളുടെ സ്ഥാനാരോഹണവും സേവന പദ്ധതികളുടെ ഉദ്ഘാടനവും നാളെ നടക്കും. അടിമാലി വൈസ്‌മെൻ ഓഡിറ്റോറിയത്തിൽ വൈകിട്ട് 6.30ന് നടക്കുന്ന സമ്മേളനത്തിൽ വൈസ്‌മെൻ ഇന്റർ നാഷണൽ മിഡ് വെസ്റ്റ് ഇൻഡ്യാ റീജിയൺ ഡയറക്ടർ അഡ്വ. ബാബു ജോർജ് ഉദ്ഘാടനം ചെയ്യും. പ്രസിഡന്റ് അനിൽ അഗസ്റ്റിൻ അദ്ധ്യക്ഷത വഹിക്കും. പുതിയ പ്രസിഡന്റ് വർഗീസ് പീറ്റർ കാക്കനാട്ട്, സെക്രട്ടറി ബിജു മാത്യു , ട്രഷറാർ കെ.ജെ ജെയിംസ് എന്നിവരുടെ നേതൃത്വത്തിലുള്ള പുതിയ ഡയറക്ടർ ബോർഡ് ചടങ്ങിൽ സ്ഥാനമേൽക്കും. സ്ഥാനാരോഹണ ചടങ്ങുകൾക്ക് എൽ.ആർ.ഡി: ഡോ. ജോസഫ് മനോജ് നേതൃത്വം നൽകും. വിവിധ ജില്ലകളിലെ 200 ക്ലബ്ബുകൾ അടങ്ങുന്ന മിഡ് വെസ്റ്റ് ഇൻഡ്യാ റീജിയൻ ഡയറക്ടർ സ്ഥാനത്തേയ്ക്ക് ഇടുക്കിയിൽ നിന്നും ആദ്യമായി നിയമിതനായ അഡ്വ. ബാബു ജോർജിന് സമ്മേളനത്തിൽ സ്വീകരണം നൽകും. സേവന പദ്ധതികളുടെ ഉദ്ഘാടനം റീജിയണൽ സെക്രട്ടറി സി.എം കയസ് നിർവഹിക്കും. പ്രത്യേക ബുള്ളറ്റിന്റെ പ്രകാശനം റീജിയണൽ ട്രഷറാർ സുനിൽ ജോണും, മൈനർ പ്രോജക്ടുകളുടെ ഉദ്ഘാടനം റീജിയണൽ വനിതാ വിഭാഗം അദ്ധ്യക്ഷ ആനി മനോജും നിർവഹിക്കും. റീജിയണൽ, ഡിസ്ട്രിക്ട് അവാർഡുകളുടെ വിതരണം റീജിയണൽ വെബ് മാസ്റ്റർ സോണി എബ്രഹാം നിർവഹിക്കും. വിദ്യാഭ്യാസ അവാർഡുകൾ ഡി.ജി ഇലക്ട് ജിജോ വി. എൽദോ വിതരണം ചെയ്യും.