തലയോലപ്പറമ്പ് : സോഷ്യൽ ജസ്റ്റീസ് ഫോറം സംഘടിപ്പിക്കുന്ന 'മാനവിക ചിന്ത, മതേതര ഇന്ത്യ' ദേശീയോദ്ഗ്രഥന സെമിനാർ 6ന് നടക്കും. വൈകിട്ട് 4ന് വടയാർ മാർ സ്ലീബാ എൽ.പി സ്കൂൾ ഹാളിൽ വച്ച് നടക്കുന്ന സെമിനാർ സംസ്ഥാന പ്രസിഡന്റ് കെ.എം.വർഗീസ് ഉദ്ഘാടനം ചെയ്യും. ജോയിന്റ് സെക്രട്ടറി റാണി വൃന്ദ അദ്ധ്യക്ഷത വഹിക്കും. മാദ്ധ്യമ പ്രവർത്തകൻ സണ്ണി ചെറിയാൻ ഗുരുവന്ദനം നടത്തും. പ്രതിഭാസംഗമം തലയോലപ്പറമ്പ് ഗ്രാമപഞ്ചായത്ത് പ്രസിഡന്റ് വി.ജി.മോഹനനും സ്കൂൾ കുട്ടികൾക്കുള്ള പഠനോപകരണ വിതരണം ഗ്രാമപഞ്ചായത്ത് വൈസ് പ്രസിഡന്റ് നിർമ്മലാ മാർട്ടിനും നിർവ്വഹിക്കും. വടയാർ ഇൻഫന്റ് ജീസസ് ചർച്ച് വികാരി റവ.ഫാ.തോമസ് കണ്ണാട്ട്, ജില്ലാ സെക്രട്ടറി വി.മർക്കോസ്, താലൂക്ക് സെക്രട്ടറി വിനോദ് തൂമ്പുങ്കൽ, സ്കൂൾ ഹെഡ്മിസ്ട്രസ്സ് ഷിബി.കെ.വർഗീസ്, മേഖലാ സെക്രട്ടറി നിർമ്മലാ ഷാജി തുടങ്ങിയവർ പ്രസംഗിക്കും.