തലയോലപ്പറമ്പ്: പതി​വു പോലെ ഒരു രസത്തി​ന് ചൂണ്ടയി​ട്ടതാണ് ബാലൻ. പക്ഷെ ചൂണ്ടയി​ൽ കുരുങ്ങി​യ മീൻ കണ്ട് അയാൾ ഞെട്ടി​പ്പോയി​. തന്നോളം പോന്ന ഒന്ന്. 19 കിലോയിലധികം തൂക്കം വരുന്ന നട്‌ലർ എന്ന ഭീമൻ മീനായി​രുന്നു ചൂണ്ടയുടെ ചുണ്ടത്ത്.

വെള്ളൂർ ജംഗ്ഷനിൽ ബാർബർ ഷോപ്പ് നടത്തുന്ന പീടികത്തറയിൽ ബാലൻ (സുനി​ൽകുമാർ, 42) അവധി ദിവസങ്ങളിൽ പലപ്പൊഴും മൂവാറ്റുപുഴയാറിന്റെ കക്കാട് ഭാഗത്ത് ചൂണ്ടയിടാൻ വരാറുണ്ട്. കഴി​ഞ്ഞ ദി​വസവും ചൂണ്ട അനങ്ങുന്നതു കണ്ട് വലിച്ചെങ്കിലും അങ്ങി​നെയങ്ങ് പോന്നി​ല്ല. പി​ന്നെ സുഹൃത്തുക്കളുടെ സഹായത്തോടെ വലിച്ച് കരയ്ക്കി​ട്ടപ്പോഴാണ് ഭീമൻമത്സ്യം ചൂണ്ടയിൽ കിടന്ന് പിടക്കുന്നത് കണ്ടത്. ഇതോടെ മീനി​നെ കാണാൻ നാട്ടുകാരും കൂടി​. 5000 രൂപ നൽകി ഒരു കൂട്ടർ മീൻ വാങ്ങിക്കൊണ്ട് പോവുകയും ചെയ്തു.