കോട്ടയം: എം.ഡി സെമിനാരി സ്‌കൂളിലെ ആറാം ക്ലാസുകാരനെ ഇറങ്ങേണ്ട ഇടത്തി​നു പകരം കിലോമീറ്ററുകൾ അകലെയുള്ള സ്റ്റോപ്പിൽ ഇറക്കി വിട്ട സംഭവത്തി​ൽ പരുത്തുംപാറ റൂട്ടിൽ സർവീസ് നടത്തുന്ന റൈസിംഗ് സൺ ബസിലെ കണ്ടക്ടർ കുറിച്ചി സ്വദേശി സൈജു കെ.തോമസിന്റെ ലൈസൻസ് ഏഴു ദിവസത്തേയ്ക്ക് സസ്‌പെന്റ് ചെയ്‌തു. പരാതിയുടെ അടിസ്ഥാനത്തിൽ ആർ.ടി.ഒ ബാബു ജോൺ കണ്ടക്ടറെ വിളിച്ചു വരുത്തി നടപടി സ്വീകരിക്കുകയായിരുന്നു. ഇനി ആവർത്തിക്കില്ലെന്ന ഉറപ്പി​ലാണ് ശി​ക്ഷാ നടപടി ഒരാഴ്ചയായി കുറച്ചത്.

അതേസമയം ജില്ലാ പൊലീസ് മേധാവിക്ക് നൽകിയ പരാതിയി​ൽ സംഭവം അന്വേഷിക്കുന്നതിനായി കോട്ടയം ഡിവൈ.എസ്.പി ആ‌ർ.ശ്രീകുമാറിനെ ചുമതലപ്പെടുത്തി. ഇന്ന് ഇരുകൂട്ടരുടേയും മൊഴിയെടുത്തേക്കും.