തലയോലപ്പറമ്പ് : വൈദ്യുതി നിരക്ക് വർദ്ധനവിൽ പ്രതിക്ഷേധിച്ച് തലയോലപ്പറമ്പ് ബ്ലോക്ക് കോൺഗ്രസ് കമ്മ​റ്റിയുടെ നേതൃത്വത്തിൽ തലയോലപ്പറമ്പ് ഇലട്രിക്കൽ സെഷൻ ഓഫീസിലേക്ക് മാർച്ചും ധർണ്ണയും നടത്തി. തലയോലപ്പറമ്പ് സെൻട്രൽ ജംഗ്ഷനിൽ നിന്നും നൂറ് കണക്കിന് പ്രവർത്തകർ പങ്കെടുത്ത മാർച്ച് ഇലട്രിസി​റ്റി ഓഫീസിന് സമീപം തലയോലപ്പറമ്പ് എസ് ഐ ടി.കെ സുധീറിന്റെ നേതൃത്വത്തിലുള്ള പൊലീസ് തടഞ്ഞു. തുടർന്ന് നടന്ന ധർണ്ണാ സമരം ബ്ലോക്ക് കോൺഗ്രസ് പ്രസിഡന്റ് അഡ്വ.പി.പി സിബിച്ചൻ ഉദ്ഘാടനം ചെയ്തു. വൈസ് പ്രസിഡന്റ് എൻ.സി തോമസ് അദ്ധ്യക്ഷതവഹിച്ചു. എം.കെ.ഷിബു, വി.ടി.ജയിംസ്, പി.സി.തങ്കരാജ്, ലീന.ഡി.നായർ, വിജയമ്മ ബാബു, ടി.എം.ഷെരീഫ്,കെ.കെ.ഷാജി,എം.ശശി, കെ.ഡിദേവരാജൻ,​ ടി.വി.സുരേന്ദ്രൻ, എസ്.ശ്യാംകുമാർ, ബാബു പൂവനേഴത്ത്, വി.സി.ജോഷി തുടങ്ങിയവർ പ്രസംഗിച്ചു.