ഉഴവൂർ: ഈ ലിഫ്റ്റ് ഇനി എന്നുയരും...? ഡോ.കെ.ആർ. നാരായണൻ മെമ്മോറിയൽ സ്പെഷ്യാലിറ്റി ആശുപത്രി (ഗവ.ആശുപത്രി, ഉഴവൂർ) യിൽ എത്തുന്ന രോഗികൾ അവശതയോടെ ചോദിക്കുന്നത് ഇതാണ്... ദിനംപ്രതി നിരവധി രോഗികളെത്തുന്ന ഈ ആശുപത്രിയിലെ ലിഫ്റ്റ് ഒരു വർഷത്തോളമായി പ്രവർത്തനരഹിതമാണ്. കുട്ടികളുടെ വാർഡ്, പനി വാർഡ് എന്നിവ പ്രവർത്തിക്കുന്നത് മൂന്നാം നിലയിലാണ്. അതുകൊണ്ട് തന്നെ അവശതയോടെ എത്തുന്ന രോഗികൾക്ക് ലിഫ്റ്റ് അനിവാര്യമായ സാഹചര്യത്തിലാണ് ഇവിടെ ഈ ദുർഗതി. സ്പെഷ്യാലിറ്റി ആശുപത്രിയായി ഉയർത്തിയതോടെ ഉഴവൂർ, കുറിച്ചിത്താനം, മരങ്ങാട്ടുപിള്ളി , വെളിയന്നൂർ തുടങ്ങിയ പ്രദേശങ്ങളിൽ നിന്നും നിരവധി ആളുകൾ ഇവിടെ ചികിത്സയ്ക്കായി എത്തുന്നുണ്ട്. നിരവധി ആളുകൾ എത്തുന്നുണ്ടെങ്കിലും ലിഫ്റ്റ് പ്രവർത്തിക്കാത്ത സാഹചര്യത്തിൽ മറ്റ് നിലകളിൽ സൗകര്യങ്ങൾ ഒന്നും ഒരുക്കിയിട്ടില്ലെന്നാണ് രോഗികളുടെ പരാതി. അതുകൊണ്ട് തന്നെ രോഗികളും അവരോടൊപ്പം എത്തുന്നവരും ഒന്നടങ്കം ബുദ്ധിമുട്ടുന്നുണ്ട്.

 പ്രവർത്തനം ആരംഭിച്ചില്ല

ലേബർ റൂം , ഒാപ്പറേഷൻ തീയറ്റർ എന്നിവയിലേക്കുള്ള സൗകര്യങ്ങൾ എറെക്കുറെ പൂർത്തിയായിട്ടുണ്ടെങ്കിലും ചെറിയ സൗകര്യങ്ങളുടെ അഭാവം മൂലം പ്രവർത്തനം ആരംഭിച്ചിട്ടില്ല.