ചങ്ങനാശേരി : നഗരസഭ വനിതാ വികസന കോർപ്പറേഷന്റെ ആഭിമുഖ്യത്തിൽ നിർമ്മിക്കുന്ന വനിതകൾക്കുള്ള വഴിയോര വിശ്രമ കേന്ദ്രമായ ഫ്രഷ് ഇൻ അപ്പ് സെന്ററിന്റെ നിർമ്മാണോദ്ഘാടനം ഇന്ന് വൈകിട്ട് മൂന്നിന് പെരുന്ന - ളായിക്കാട് ബൈപ്പാസ് റോഡിൽ സി.എഫ് തോമസ് എം.എൽ.എ നിർവഹിക്കും. നഗരസഭ ചെയർമാൻ ലാലിച്ചൻ കുന്നിപ്പറമ്പിൽ അദ്ധ്യക്ഷത വഹിക്കും. വനിതാ വികസന കോർപ്പറേഷൻ ചെയർപേഴ്സൺ കെ.എസ് സലീഖ മുഖ്യപ്രഭാഷണം നടത്തും. വനിതാ വികസന കോർപ്പറേഷൻ മാനേജിംഗ് ഡയറക്ടർ ബിന്ദു വി.സി റിപ്പോർട്ട് അവതരിപ്പിക്കും. വൈസ് ചെയർപേഴ്സൺ അംബികാ വിജയൻ സ്വാഗതവും എക്സിക്യൂട്ടീവ് എഞ്ചിനീയർ രഞ്ജി നന്ദിയും പറയും.