ഏഴാച്ചേരി : കാവിൻ പുറം ഉമാമഹേശ്വര ക്ഷേത്രത്തിൽ രവിവാരരാമായണ സംഗമത്തിന് നാളെ തുടക്കമാകും. വൈകിട്ട് 6.30 ന് ചേരുന്ന സമ്മേളനത്തിൽ സൂര്യകാലടി സൂര്യൻ സുബ്രഹ്മണ്യൻ ഭട്ടതിരിപ്പാട് രവിവാര രാമായണ സംഗമം ഉദ്ഘാടനം ചെയ്യും. ഡോ.എൻ.കെ. മഹാദേവൻ മുഖ്യപ്രഭാഷണം നടത്തും. ദേവസ്വം വൈസ് പ്രസിഡന്റ് പി.എസ്. ശശിധരൻ നായർ അദ്ധ്യക്ഷത വഹിക്കും. സമ്മേളനത്തിന് ശേഷം ഔഷധക്കഞ്ഞി സമർപ്പണവും വിതരണവുമുണ്ട്.
28ന് വൈകിട്ട് 6.30ന് ഭാഗവത സൂര്യൻ അമനകര പി.കെ.വ്യാസൻ പ്രഭാഷണം നടത്തും. ആഗസ്റ്റ് 4 ന് വൈകിട്ട് 6.30ന് നടക്കുന്ന രാമായണ സംഗമം മള്ളിയൂർ പരമേശ്വരൻ നമ്പൂതിരി ഉദ്ഘാടനം ചെയ്യും. രാമായണത്തിലെ സ്ത്രീ കഥാപാത്രങ്ങളെക്കുറിച്ച് സാഹിത്യകാരി സിജിതാ അനിൽ പ്രഭാഷണം നടത്തും. 8 മുതൽ ഔഷധക്കഞ്ഞി സേവ.
ആഗസ്റ്റ് 11 ന് വൈകിട്ട് 6.30 ന് ഡോ.സി.ടി. ഫ്രാൻസിസ് സമാപന സമ്മേളനം ഉദ്ഘാടനം ചെയ്യും. ദേവസ്വം സെക്രട്ടറി ചന്ദ്രശേഖരൻ നായർ പുളിക്കൽ അദ്ധ്യക്ഷത വഹിക്കും. ദിവസവും 6.30 ന് വിശേഷാൽ ദീപാരാധനയും, രാമായണ പാരായണ സമർപ്പണവുമുണ്ട്. തുടർന്ന് പ്രസാദ വിതരണം. നവഗ്രഹക്ഷേത്രത്തിൽ കർക്കടക മാസത്തിലെ എല്ലാ ശനിയാഴ്ചയും വിശേഷാൽ നവഗ്രഹ പൂജയും നടന്നു വരുന്നു.