​കോട്ടയം: 'ഉഴ​വൂർ ​വി​ജ​യൻ മരിച്ചി​ട്ട് രണ്ട് വർ​ഷ​മാ​യോ'? വി​ജ​യ​ന്റെ രണ്ടാം ച​ര​മ​വാർ​ഷി​കം ഇന്ന് ആ​ച​രി​ക്കു​​മ്പോൾ അ​ടു​പ്പ​മു​ള്ള​വർ പറയുന്നു: ആ ചിരി ഇന്നലെ മാഞ്ഞതുപോലെ തോന്നുന്നു....

വി​ജ​യൻ ബാ​ക്കി​വെ​ച്ചു​പോയ സ്നേ​ഹോ​ഷ്മ​ള​മായ ബന്ധങ്ങളും നർ​മ്മം​ചാ​ലി​ച്ച വാ​ക്ചാ​തു​രി​യും നേ​തൃ പാ​ട​വ​വും സം​ഘാ​ടക മി​ക​വും പ​ക​രം വെ​യ്ക്കാനില്ലാ​തെ ന​മ്മു​ടെ ഓർ​മ​ക​ളി​ല​വ​ശേ​ഷി​ക്കു​ക​യാ​ണ്.

ഉഴവൂരിൽ നിന്ന് വളർന്നാണ് കെ.ആർ.നാരായണൻ രാഷ്ട്രപതികസേരയിൽ എത്തിയത്. പക്ഷേ ഉഴവൂർ നാരായണൻ എന്ന് അറിയപ്പെടുന്നില്ല. ജന്മനാട് പേരിനൊപ്പം ചേർത്ത് ലോകം അറിയാൻ വിജയനേ കഴിഞ്ഞുള്ളൂ.

'നാട്ടുകാരെ പിടിച്ചിരുത്താൻ ഉ​ഴ​വൂർ വി​ജ​യ​നെ കി​ട്ടു​മോ? കേ​ര​ള​ത്തിൽ ഏ​തു തി​ര​ഞ്ഞെ​ടു​പ്പു വ​ന്നാ​ലും ഇ​ട​തു​മു​ന്ന​ണി ഘടകകക്ഷി നേ​താ​ക്ക​ളു​ടെ ആ​ദ്യചോ​ദ്യം ഇ​താ​യി​രു​ന്നു. മ​ണി​ക്കൂ​റു​കൾ നീ​ളു​ന്ന ര​സ​ക​ര​മായ പ്ര​സം​ഗ​ത്തി​ലൂ​ടെ എ​ത്ര​നേ​രം വേ​ണ​മെ​ങ്കി​ലും ശ്രോതാക്കളെ പി​ടി​ച്ചി​രു​ത്താൻ വി​ജ​യ​നു ക​ഴി​യു​മായിരുന്നു. ഓ​ടി ന​ട​ന്ന് പ്രസം​ഗി​ച്ച് ശ​ബ്ദ​മ​ട​ഞ്ഞാ​ലും എ​ല്ലാ​വർ​ക്കും വി​ജ​യൻ​ മ​തി.
സ്ഥാ​നാർ​ത്ഥി എ​ത്തും​മു​മ്പ് ഒ​ന്നൊ​ന്നര മ​ണി​ക്കൂർ വ​രെ കാ​ച്ചും. അ​തും കേൾ​വി​ക്കാ​രെ ചി​രി​പ്പി​ച്ചു മ​ണ്ണുക​പ്പി​ക്കു​ന്ന ശൈ​ലി​യിൽ. ത​മാ​ശ​കൾ മുൻ​കൂ​ട്ടി ആ​ലോ​ചി​ച്ചു​റ​പ്പി​ക്കു​ന്ന ശീ​ല​മൊ​ന്നും വി​ജ​യ​നി​ല്ല. പ്ര​സം​ഗ​ത്തി​നി​ട​യിൽ വ​ന്നു ഭ​വി​ക്കു​ക​യാ​യി​രു​ന്നു​.
വി​വിധ സ്ഥാ​നാർ​ത്ഥി​കൾ​ക്കാ​യി പ്ര​സംഗ പ​ര്യ​ട​നം ന​ട​ത്തി​യി​രു​ന്ന വി​ജ​യൻ വർ​ഷ​ങ്ങൾ​ക്കു മു​മ്പ് കെ.​എം.​ മാ​ണി​യു​മാ​യി പാ​ലാ​യിൽ ഒ​രു കൈ​നോ​ക്കി പ​രാ​ജ​യ​പ്പെ​ട്ട ശേ​ഷം തി​ര​ഞ്ഞെ​ടു​പ്പിൽ മ​ത്സ​രി​ച്ചി​ട്ടി​ല്ല .
'​മാ​ണി​സാർ പാ​ലാ​യ്ക്കു​വേ​ണ്ടി പ​ല​തും ചെ​യ്തി​ട്ടു​ണ്ട്. എ​നി​ക്ക് ഒ​ന്നും ചെ​യ്യാൻ ക​ഴി​യാത്തത്​ കൊ​ണ്ട് എ​നി​ക്കും ഒ​ര​വ​സ​രം നൽ​ക​ണ​മെ​ന്നാ​യി​രു​ന്നു അ​ന്ന് പാ​ലാ​യി​ലെ വോ​ട്ടർ​മാ​രോ​ടു​ള്ള വി​ജ​യ​ന്റെ അ​ഭ്യർ​ത്ഥ​ന!
ഉഴവൂരിന്റെ മരണത്തോടെ എൻ.സി.പിയിൽ പൊട്ടി പുറപ്പെട്ട ഭിന്നത ഇന്നും അവസാനിച്ചിട്ടില്ല. എൻ.സി.പിയും വിജയൻ ട്രസ്റ്റും രണ്ടായാണ് ഇന്ന് രണ്ടാം ചരമ വാർഷികം കോട്ടയത്തും കുറിച്ചിത്താനത്തും ആചരിക്കുന്നത്.