പാലാ: പൊതുജനങ്ങളുടെ നിയമപരമായ സംശയനിവാരണത്തിനും നിയമാനുസൃത വ്യവഹാരങ്ങൾ നടത്തുന്നതിനുള്ള നിയമോപദേശങ്ങൾ നൽകുന്നതിനും വേണ്ടി സൗജന്യ നിയമ സഹായ കേന്ദ്രം (ലീഗൽ എയ്ഡ് ക്ലിനിക്) രാമപുരം, കരൂർ, എന്നീ പഞ്ചായത്താഫീസുകളിലും കൊല്ലപ്പിള്ളി രാജീവ് ഗാന്ധി ഓഡിറ്റോറിയത്തിലും, ഈരാറ്റുപേട്ട മുനിസിപ്പൽ ഓഫീസിലും നാളെ ഉച്ചകഴിഞ്ഞ് 2 മുതൽ 5 വരെ പ്രവർത്തിക്കും. സുപ്രീം കോടതിയുടേയും, ഹൈക്കോടതിയുടേയും നിയന്ത്രണത്തിലുള്ള സംസ്ഥാന ലീഗൽ സർവ്വീസസ് അതോറിറ്റിയുടെ (കെൽസ) മീനച്ചിൽ താലൂക്ക് ലീഗൽ സർവ്വീസസ് കമ്മിറ്റി സംഘടിപ്പിക്കുന്ന ഈ കേന്ദ്രത്തിൽ പൊതുജനങ്ങൾക്ക് നേരിട്ട് പരാതി നൽകാവുന്നതാണ്. അഭിഭാഷകരുടേയും പാരാലീഗൽ വോളന്റിയർമാരുടേയും സേവനം ക്ലിനിക്കിൽ ഉണ്ടായിരിക്കും. ഫോൺ- രാമപുരം: 9446757275, കരൂർ: 9745010732, കൊല്ലപ്പിള്ളി: 9745345897, ഈരാറ്റുപേട്ട: 9446122046.