വൈക്കം : കാർഗിൽ യുദ്ധവിജയത്തിന്റെ 20-ാം വാർഷികത്തോടനുബന്ധിച്ച് എക്‌സ് സർവീസ് ലീഗ് താലൂക്ക് കമ്മിറ്റിയുടെയും, ടൗൺ റോട്ടറി ക്ലബിന്റെയും, ജീവൻ മോട്ടേഴ്‌സിന്റെയും നേതൃത്വത്തിൽ അഖണ്ഡതായാത്രയും കാർഗിൽ വിജയ ദിവസ് അനുസ്മരണവും നടത്തി.
വടക്കേ കവലയിൽ നിന്ന് സത്യാഗ്രഹ സ്മാരക ഹാളിലേക്കാണ് അഖണ്ഡതായാത്ര നടത്തിയത്. മുനിസിപ്പൽ ചെയർമാൻ പി.ശശിധരൻ ഫ്ലാഗ് ഒഫ് ചെയ്തു. റോട്ടറി പ്രസിഡന്റ് എൻ.കെ.സെബാസ്റ്റ്യൻ, സെക്രട്ടറി ജോൺ ജോസഫ്, അസി.ഗവർണർ ജോസഫ് ലൂക്കോസ്, ജീവൻ ശിവറാം, കെ.പി.റോയി, രാജൻ പൊതി, എക്‌സ് സർവീസ് ലീഗ് പ്രസിഡന്റ് കെ.ടി.രാംകുമാർ, സെക്രട്ടറി എസ്.എസ്.സിദ്ധാർത്ഥൻ, രക്ഷാധികാരി സി. ആർ. ജി. നായർ, ബാബു എന്നിവർ നേതൃത്വം നൽകി.