കടുത്തുരുത്തി : എസ്.എൻ.ഡി.പി യോഗം കടുത്തുരുത്തി യൂണിയന്റെ വനിതാസംഘം വാർഷികയോഗം യൂണിയൻ പ്രസിഡന്റ് എ.ഡി പ്രസാദ് ആരിശ്ശേരിൽ ഉദ്ഘാടനം ചെയ്തു. കേന്ദ്രവനിതാ സംഘം സെക്രട്ടറി അഡ്വ. സംഗീത വിശ്വനാഥ് അദ്ധ്യക്ഷത വഹിച്ചു. യൂണിയൻ സെക്രട്ടറി എൻ.കെ രമണൻ മുഖ്യപ്രഭാഷണം നടത്തി. വനിതാസംഘം യൂണിയൻ സെക്രട്ടറി ജഗദമ്മ തമ്പി റിപ്പോർട്ടും കണക്കും അവതരിപ്പിച്ചു. യോഗം കൗൺസിലർ സി.എം ബാബു അനുഗ്രഹ പ്രഭാഷണം നടത്തി. യൂണിയൻ വൈസ് പ്രസിഡന്റ് കെ.കെ സച്ചിദാനന്ദൻ, യോഗം ഡയറക്ടർ ബോർഡ് അംഗം ടി.സി ബൈജു , വനിതാസംഘം നോമിനി ജയൻ പ്രസാദ്, യൂണിയൻ കൗൺസിലർമാരായ എം.എസ് സന്തോഷ്, എം.ഡി ശശിധരൻ, ശിവാനന്ദൻ, രാജൻ കപ്പിലാംകൂട്ടം, വി.പി ബാബു, യൂണിയൻ പഞ്ചായത്ത് കമ്മിറ്റി അംഗങ്ങളായ കെ. സോമൻ, ലീനാ സോമൻ, യൂണിയൻ യൂത്ത് മൂവ്മെന്റ് പ്രസിഡന്റ് കിഷോർ കുമാർ, യൂത്ത് മൂവ്മെന്റ് സെക്രട്ടറി കെ.വി ധനേഷ് , സൈബർ സേന, കുമാരീ- കുമാര സംഘം ഭാരവാഹികൾ, വിവിധ വനിതാസംഘം അംഗങ്ങൾ എന്നിവർ പങ്കെടുത്തു. യൂണിയൻ വനിതാസംഘം പ്രസിഡന്റ് സുധ മോഹൻ സ്വാഗതവും വൈസ് പ്രസിഡന്റ് ചന്ദ്രവല്ലി ടീച്ച‌ർ നന്ദിയും പറഞ്ഞു.