തലയോലപ്പറമ്പ് : മാന്നാർ എളാമകുടി ശിവ ശക്തി നാരായണീയ സമതി, നാരായണീയ പാരായണം അരങ്ങേ​റ്റം കുറിച്ചു. ആചാര്യന്മാരായ സീതാ ജി. മേനോൻ, പത്മല ഗോപിനാഥ് എന്നിവരുടെ നേതൃത്വത്തിൽ എളാമകുടി മഹാദേവ ക്ഷേത്രത്തിൽ ദീപം തെളിയിച്ച ശേഷം മാന്നാർ എൻ. എസ്. എസ്. കരയോഗം ആഡി​റ്റോറിയത്തിൽ വച്ച് പാരായണം നടത്തി. പാരായണത്തിന് കമലം എസ്. നായർ, സിനി ചന്ദ്രബോസ്, ഗീത ശശി കുമാർ, പത്മേന്ദു, സീതാദേവി അമ്മ, മിനി, ശ്രീലേഖ, ബിന്ദു പത്മ കുമാർ എന്നിവർ അരങ്ങേ​റ്റം കുറിച്ചു. പാരായണം വൈകിട്ട് നൂറ് ദശകം പാരായണം ചെയ്തു അവസാനിച്ചു.