സ്വന്തമായി അദ്ധ്വാനിച്ച് ഒരു ബൈക്ക് വാങ്ങുക എന്നത് ഏതൊരു ചെറുപ്പക്കാരന്റെയും ഏറ്റവും വലിയ സ്വപ്നമായിരിക്കും. ആ സ്വപ്നത്തിന് വേണ്ടി എന്ത് ത്യാഗവും സഹിക്കാൻ അവർ തയ്യാറാകും. അങ്ങനെ സ്വന്തമായി അദ്ധ്വാനിച്ച് തന്റെ സ്വപ്ന ബൈക്ക് സ്വന്തമാക്കിയ ഒരു യുവാവാണ് ഇപ്പോൾ സോഷ്യൽ മീഡിയയിൽ താരം. ഓൺലൈൻ ഫുഡ് ഡെലിവറി ആപ്പായ സോമാട്ടോയിലെ ജോലിയിലൂടെ സമ്പാദിച്ച അഞ്ച് മാസത്തെ ശമ്പളം കൂട്ടിവച്ചാണ് യുവാവ് ബൈക്ക് സ്വന്തമാക്കിയതെന്നാണ് ഇതിൽ ഏറ്റവും വലിയ പ്രത്യേകത.

ഹരിയാനയിലെ സൂരജ് എന്ന ചെറുപ്പക്കാരനാണ് രണ്ട് ലക്ഷം രൂപയ്ക്കടുത്ത് വിലയുള്ള കെ.ടി.എം ആർ.സി 200 ബൈക്ക് സൊമാട്ടോ ജോലിയിലൂടെ സ്വന്തമാക്കിയത്. കഠിനാധ്വാനത്തിന്റെ ഫലമായാണ് ഇങ്ങനെ ഒരു നേട്ടം കൈവരിക്കാൻ സൂരജിനെകാണ്ട് സാധിച്ചതെന്ന് സോഷ്യൽ മീഡിയ പറയുന്നു. സൂരജിന്റെ നേട്ടത്തെ അഭിനന്ദിച്ച് സോമാട്ടോയുടെ സ്ഥാപകൻ ദീപീന്ദർ ഗോയലും രംഗത്തെത്തി. നിങ്ങൾ കഠിനാധ്വാനം ചെയ്യാൻ തീരുമാനിച്ചാൽ മാറ്റാരെ കൊണ്ടും അതിനെ പിന്തിരിപ്പിക്കാൻ കഴിയില്ല. അതിന് ഏറ്റവും വലിയ തെളിവാണ് സൂരജ്. വരും ദിവസങ്ങളിൽ സൂരജ് തന്റെ പുതിയ കെ.ടി.എം ബൈക്കിൽ ഫുഡ് ഡെലിവറി ചെയ്യുമെന്നും ദീപീന്ദർ ഗോയൽ പറഞ്ഞു.

Suraj, from our Karnal (Haryana) team, saved for 5 months to buy his dream bike. If you spot him on his supercool ride, do wave. 🚲👋

This is one of the many inspiring stories from @Zomato Delivery Universe – about folks who celebrate by staying focused on the road to success. pic.twitter.com/TiSHMMNzxk
— Deepinder Goyal (@deepigoyal) July 1, 2019

അതേസമയം, അഞ്ച് മാസത്തെ ശമ്പളം കൊണ്ട് എങ്ങനെയാണ് സൂരജ് ഇത്ര വിലപിടിപ്പുള്ള ബൈക്ക് വാങ്ങിയതെന്ന ആശ്ചര്യവും ചിലർ പ്രകടിപ്പിക്കുന്നുണ്ട്. ഒരു മാസം സൊമാട്ടോയിൽ ജോലി ചെയ്താൻ എത്ര ശമ്പളം കിട്ടുമെന്നും സോഷ്യൽ മീഡിയ ചോദിക്കുന്നുണ്ട്.

Suraj, from our Karnal (Haryana) team, saved for 5 months to buy his dream bike. If you spot him on his supercool ride, do wave. 🚲👋

This is one of the many inspiring stories from @Zomato Delivery Universe – about folks who celebrate by staying focused on the road to success. pic.twitter.com/TiSHMMNzxk
— Deepinder Goyal (@deepigoyal) July 1, 2019