നമ്മുടെ നാട്ടിൽ കുഴഞ്ഞു വീണുള്ള മരണനിരക്ക് വർദ്ധിക്കുകയാണ്. യാത്രയിൽ, ക്ളാസ് റൂമിൽ, ആഘോഷച്ചടങ്ങിൽ എവിടെയും ഇത്തരമൊരു ദയനീയരംഗത്തിന് നാം സാക്ഷികളാകേണ്ടി വന്നേക്കാം. ഹൃദ​യത്തി​ന്റെ പ്ര​വർ​ത്ത​നം പെ​ട്ടെ​ന്ന് നി​ലയ്‌ക്കുന്ന​താ​ണ് കു​ഴ​ഞ്ഞു​വീ​ണു​ള്ള മ​ര​ണ​ങ്ങൾ​ക്ക് പ്ര​ധാ​ന​കാ​ര​ണം. കാര്യമായ ആ​രോ​ഗ്യ​പ്ര​ശ്ന​ങ്ങ​ളൊ​ന്നു​മി​ല്ലാ​തെ തന്നെ പെ​ട്ടെ​ന്ന് ഒരാൾ കു​ഴ​ഞ്ഞുവീ​ണ് മരിക്കുന്നതിനെ പെ​ട്ടെ​ന്നു​ണ്ടാ​കു​ന്ന ഹൃ​ദ്റോ​ഗ​മ​ര​ണം (​S​u​d​d​en C​a​r​d​i​ac D​e​a​t​h: S​C​D) എന്നാണ് വിളിക്കുന്നത്.

കുഴഞ്ഞു വീണാലുടൻ പ്ര​ഥ​മ​ശു​ശ്രൂഷ​കൻ ഉചിതമായി പ്രവർത്തിക്കുന്നത് രോഗി രക്ഷപ്പെടാനുള്ള സാദ്ധ്യത വർദ്ധിപ്പിക്കുന്നു. പ്ര​ഥ​മ​ശുശ്രൂഷയിൽ ഏ​റ്റ​വും പ്ര​ധാ​നം മി​നി​റ്റിൽ 100 ത​വ​ണ​യെ​ങ്കി​ലും ഇ​ട​വി​ടാ​തെ ശ​ക്തി​യായി നെ​ഞ്ച് അമർ​ത്തുക എന്നതാണ് . ഇ​തു ചെ​യ്യു​മ്പോൾ കൃ​ത്രി​മ​ശ്വാ​സം ന​ല്കേ​ണ്ട​തി​ല്ല. കാ​ര​ണം, ഹൃ​ദ​യം നില​ച്ച് പത്തു​മി​നി​ട്ടോ​ളം സ​മ​യം ഹൃ​ദ​യ​ത്തി​ലും മ​ഹാ​ധ​മ​നി​ക​ളി​ലു​മു​ള്ള ര​ക്ത​ത്തിൽ ഓ​ക്സി​ജൻ വേ​ണ്ട​ത്ര ഉ​ണ്ടാ​യി​രി​ക്കും. ഇ​ത് മ​സ്തി​ഷ്ക്ക​ത്തി​ലേ​ക്കും കൊ​റോ​ണ​റി​ ധ​മ​നി​ക​ളി​ലേ​ക്കും എ​ത്തി​ച്ചാൽ മ​തി.

ആരോഗ്യകരമായ ജീവിതരീതിയാണ് കൊ​റോ​ണ​റി ഹൃ​ദ്റോഗത്തെ പ്രതിരോധിക്കാനും രോഗം മാരകമാകാതിരിക്കാനും പരമപ്രധാനം. കൊ​റോ​ണ​റി രോ​ഗ​ങ്ങൾ കാരണമായി കു​ഴ​ഞ്ഞു ​വീ​ണു​ള്ള മ​ര​ണ​ങ്ങൾ ല​ളി​ത​മായ പ്ര​തി​രോധ ന​ട​പ​ടി​ക​ളി​ലൂ​ടെ ഏ​റ്റ​വും ഫ​ല​പ്ര​ദ​മാ​യി തടയാൻ സാധിക്കും.

എ​ത്ര ചെ​റിയ രോഗലക്ഷണവും അവഗണിക്കരുത്. ചെ​റിയ രീ​തി​യി​ലു​ണ്ടാ​കു​ന്ന നെ​ഞ്ചി​ടി​പ്പ്, പെട്ടെന്ന് തന്നെ അപ്രത്യക്ഷമാകുന്ന തല​ക​റ​ക്കം, ബോ​ധ​ക്ഷ​യം എന്നിവയെ സാധാരണ ആളുകൾ അവഗണിക്കാറാണ് പതിവ്. എന്നാൽ ഇവയെ ഒ​രി​ക്ക​ലും നി​സാര​മാ​യി​ തള്ളിക്കളയരുത്.

ആ​യാ​സമുള്ള ജോലികളിൽ ഏ‌ർപ്പെടുന്നവരും കായികാദ്ധ്വാനമുള്ള ജോലി ചെയ്യുന്നവരും പ്ര​വൃ​ത്തി​കൾ ചെയ്യുന്ന​വർ കൃത്യമായ ഇടവേളകളിൽ ഹൃ​ദ​യ​പ​രി​ശോ​ധന നടത്തേണ്ടത് അനിവാര്യമാണ്. മാത്രമല്ല വ്യായാമമുള്ള ജീവിതശൈലി പിന്തുടരുകയും ആരോഗ്യകരമായ ഭക്ഷണം കഴിക്കുകയും അമിതവണ്ണം അകറ്റുകയും വേണം. 35 വയസിന് ശേഷം ഹൃദയപരിശോധന അനിവാര്യമാണ്.