മംഗളൂരു: ഇന്ത്യയുടെ രണ്ടാമത്തെ ചന്ദ്ര പര്യവേഷണ ദൗത്യമായ ചന്ദ്രയാൻ 2 വിക്ഷേപണത്തിന് മുന്നോടിയായി ഐ.എസ്.ആർ.ഒ ചെയർമാൻ കെ.ശിവൻ പ്രത്യേക പൂജ നടത്തുന്നതിന്റെ ചിത്രങ്ങൾ ദേശീയ മാദ്ധ്യമങ്ങൾ പുറത്തു വിട്ടു. ഉഡുപ്പി ശ്രീകൃഷ്ണ മഠത്തിലെത്തിയാണ് ഞായറാഴ്ച ചെയർമാൻ പൂജ നടത്തിയത്. ഇത് സംബന്ധിച്ച് മഠം അധികൃതർ പത്രക്കുറിപ്പിറക്കി. ചെയർമാനും കുടുംബവും മഠാധിപതി വിദ്യാധീശ തീർത്ഥയെ സന്ദർശിച്ച് അനുഗ്രഹം തേടിയെന്ന് അധികൃതർ വ്യക്തമാക്കി. 15നാണ് ചന്ദ്രയാൻ 2 വിക്ഷേപിക്കുന്നത്.

ചന്ദ്രയാൻ 2 ആദ്യ ചിത്രങ്ങൾ ഇതാ

1ചന്ദ്രയാൻ 2 ഉപഗ്രഹം. ചന്ദ്രനെ ഭ്രമണം ചെയ്യുന്ന ഓർബിറ്ററും ചന്ദ്രന്റെ ദക്ഷിണധ്രുവത്തിൽ ഇറങ്ങുന്ന വിക്രം എന്ന ലാൻഡറും അതിൽ നിന്ന് ചന്ദ്രോപരിതലത്തിൽ സഞ്ചരിക്കുന്ന പ്രജ്ഞാൻ എന്ന റോവറും ഇതിലുണ്ട്.

2 വിക്രം ലാൻഡറും അതിന്റെ റാമ്പിൽ ഇരിക്കുന്ന പ്രജ്ഞാൻ റോവറും

3 ചന്ദ്രയാൻ 2 ഓർബിറ്റർ