മുംബയ്: വന്ധ്യതാ ചികിത്സക്കെത്തിയ യുവാവിന്റെ ശരീരത്തിൽ സ്ത്രീ അവയവങ്ങൾ കണ്ട് ഞെട്ടി ഡോക്ടർമാർ. മുംബയിലാണ് സംഭവം. 29 വയസുള്ള യുവാവ് വന്ധ്യതാ ചികിത്സയ്‌ക്ക് വേണ്ടിയാണ് ആശുപത്രിയിൽ എത്തിയത്. ഡോക്ടർമാരുടെ പരിശോധനയിൽ ഫലോപ്യൻ ട്യൂബ്, ഗർഭപാത്രം, വളർച്ചയെത്താത്ത യോനി നാളം എന്നിവയാണ് യുവാവിന്റെ ശരീരത്തിൽ കണ്ടത്.

ലോകത്തിൽ തന്നെ ഇതുവരെ 200 കേസുകൾ മാത്രമാണ് ഇങ്ങനെ റിപ്പോർട്ട് ചെയ്തിട്ടുള്ളതെന്ന് വിദഗ്‌ദർ പറയുന്നു. പെർസിസ്റ്റന്റ് മുള്ളേറിയൻ ഡക്ട് സിൻഡ്രോം എന്നാണ് ഈ അവസ്ഥയെ വിളിക്കുന്നത്. പുരുഷ ശരീരത്തിൽ സ്ത്രീ അവയവങ്ങളുമുള്ള അവസ്ഥയാണിത്. സ്‌കാൻ റിപ്പോർട്ടിൽ ജനനേന്ദ്രിയം അടിവയറ്റിനുള്ളിലായിട്ടാണ് കാണപ്പെട്ടത്.ബീജമില്ലാത്ത അവസ്ഥയാണ് ഇയാൾക്കുള്ളത്. ഇതേതുടർന്ന് ശസ്ത്രക്രിയ നടത്തിയപ്പോഴാണ് സ്ത്രീ അവയവങ്ങൾ കണ്ടെത്തിയത്. അവ എല്ലാം ശരീരത്തിൽ നിന്നും നീക്കം ചെയ്തെങ്കിലും യുവാവിന് കുട്ടികളുണ്ടാകാനുള്ള സാദ്ധ്യതയില്ല.