വിംബിൾഡൺ വനിതാ കിരീടം സിമോണ ഹാലെപിന്

ലണ്ടൻ:യു.എസ് സൂപ്പർ താരം സെറീന വില്യംസിനെ കീഴടക്കി റുമാനിയൻ സെൻസേഷൻ സമോണ ഹാലെപ് വിംബിൾഡൺ കിരീടത്തിൽ മുത്തമിട്ടു. വിംബിൾഡൺ കിരീടം സ്വന്തമാക്കുന്ന ആദ്യ റുമാനിയൻ താരമെന്ന റെക്കാഡും ഹാലെപ് ഈ കിരീട നേട്ടത്തോടെ സ്വന്തമാക്കി. മാർഗരറ്റ് കോർട്ടിന്റെ 24 ഗ്രാൻഡ് സ്ലാം കിരീടനേട്ടത്തിനൊപ്പമെത്താനിറങ്ങിയ സെറീനയെ വെറും 56 മിനിറ്റിൽ നേരിട്ടുള്ള സെറ്റുകളിൽ 6-2,​ 6-2ന് വീഴ്‌ത്തിയാണ് ഹാലെപ് കിരീടം സ്വന്തമാക്കിയത്.

സെറീനയ്ക്ക് ഒരു അവസരവും നൽകാതെയായിരുന്നു ഫൈനലിൽ ഹാലെപിന്റെ പടയോട്ടം. ആദ്യ പതിനൊന്ന് മിനിറ്റിൽ തന്നെ ഹാലെപ് ആദ്യ സെറ്റിൽ 4-0ത്തിന് മുന്നിലെത്തി. 26 മിനിറ്റിനുള്ളിൽ 6-2ന് ഹാലെപ് ആദ്യ സെറ്ര് സ്വന്തമാക്കുകയായിരുന്നു.

2018ലെ ഫ്രഞ്ച് ഓപ്പണാണ് ഇരുപത്തേഴ്കാരിയായ ഹാലെപ് ആദ്യമായി സ്വന്തമാക്കിയ ഗ്രാൻഡ് സ്ലാം കിരീടം.

വിശ്വസിക്കാനാകുന്നില്ല. ഇത് ശരിക്കും സ്‌പെഷ്യലാണ്. ഈ ദിവസം ഞാൻ മറക്കില്ല.

ഹാലെപ്

ഫെഡറർ -ജോക്കോവിച്ച് ഫൈനൽ

പുരുഷ സിംഗിൾസിൽ സ്വിസ് ഇതിഹാസതാരം റോജർ ഫെഡററും . ലോക ഒന്നാം നമ്പർതാരം നൊവാക്ക് ജോക്കോവിച്ചും തമ്മിലുള്ള ഫൈനൽ പോരാട്ടം ഇന്ന് നടക്കും. ഇന്ത്യൻ സമയം വൈകിട്ട് 6.30 മുതലാണ് മത്സരം. ​ക്ലാ​സി​ക് ​സെ​മി​ ​പോ​രാ​ട്ട​ത്തി​ൽ​ ​സ്പാ​നി​ഷ് ​സെ​ൻ​സേ​ഷ​ൻ​ ​റാഫേൽ നദാലിനെ ​-6,​ 6​-1,​ 6​-3,​ 6​-4​ന് വീഴ്ത്തിയാണ് ഫെഡറർ ഫൈനലിലെത്തിയത്. റോ​ബ​ർ​ട്ടോ​ ​ബൗ​റ്രി​സ്റ്റ​ ​അ​ഗ​ട്ടി​നെ​ ​നാ​ല് ​സെ​റ്റ് ​നീ​ണ്ട​ ​പോ​രാ​ട്ട​ത്തി​ൽ​ 6​-2,​ 4​-6,​ 6​-3,​ 6​-2​ന് ​വീ​ഴ്ത്തി​യാ​ണ് ​ജോക്കോവിച്ച് കലാശക്കളിക്ക് യോഗ്യത നേടിയത്.

2-ാം ഗ്രാൻഡ്സ്ലാം കിരീടങ്ങൾ ഹാലെപ് സ്വന്തമാക്കി കഴിഞ്ഞു

2018ലെ ഫ്രഞ്ച് ഓപ്പണാണ് ഹാലെപ് സ്വന്തമാക്കിയ ആദ്യ ഗ്രാൻഡ്സ്ലാം

24 ഗ്രാൻഡ്സ്ലാം കിരീടങ്ങൾ എന്ന നേട്ടത്തിലെത്താൻ സെറീന ഇനിയും കാത്തിരിക്കണം