തിരുവനന്തപുരം: യൂണിവേഴ്സിറ്റി ആർട്സ് കോളേജിൽ വച്ച് നടക്കാനിരുന്ന എസ്.എഫ്.ഐയുടെ പരിപാടിയിൽ വച്ച് താൻ സംഘടനയെ വിമർശിക്കാനിരുന്നതാണെന്നും എന്നാൽ ആരോഗ്യകാരണങ്ങൾ കൊണ്ട് പരിപാടിയിൽ നിന്നും വിട്ടുനിൽക്കേണ്ടി വന്നുവെന്നും പറഞ്ഞ് വി.എസ് അച്യുതാനന്ദൻ. ഫേസ്ബുക്ക് പോസ്റ്റ് വഴിയാണ് വി.എസ് ഇക്കാര്യം അറിയിച്ചത്. എസ്.എഫ്.ഐയുടെ 'പഠനോത്സവം' പരിപാടി ഉദ്ഘാടനം ചെയ്യുന്നതിന് വേണ്ടിയാണ് ഞാൻ കോളേജിൽ എത്തേണ്ടിയിരുന്നതിനും, ഡോക്ടർമാരുടെ നിർദ്ദേശപ്രകാരമാണ് ആ പരിപാടിയിൽ നിന്നും വിട്ടുനിൽക്കേണ്ടി വന്നതെന്നും വി.എസ് പോസ്റ്റിൽ വിശദീകരിച്ചു. പരിപാടിക്ക് വന്നിരുന്നുവെങ്കിൽ വിദ്യാർത്ഥി പ്രസ്ഥാനത്തിന്റെ ഉന്നത മൂല്യങ്ങളേയും നന്മകളേയും നിരസിക്കുന കിരാത നടപടികളെ വിമർശിക്കാൻ താൻ ആ വേദി ഉപയോഗപ്പെടുത്തുമായിരുന്നുവേണും അദ്ദേഹം പറയുന്നു. സാമൂഹ്യ നീതിക്കും നന്മയ്ക്കും വേണ്ടി പോരാടുന്നവരുടെ കൈയിൽ ആയുധമല്ല ആശയങ്ങളാണ് വേണ്ടതെന്നും വി.എസ് പറഞ്ഞു.

വി.എസ് അച്യുതാനന്ദന്റെ ഫേസ്ബുക്ക് പോസ്റ്റിന്റെ പൂർണരൂപം ചുവടെ

'ഇന്ന് രാവിലെ തിരുവനന്തപുരം ആർട്സ് കോളേജിൽ എസ്എഫ്ഐ യുടെ "പഠനോത്സവം" പരിപാടി ഉദ്ഘാടനം ചെയ്യാമെന്ന് ഞാൻ സമ്മതിച്ചതായിരുന്നു. ആരോഗ്യപരമായ കാരണങ്ങളാൽ ആ പരിപാടിയിൽ പങ്കെടുക്കാൻ ഡോക്ടർമാർഅനുമതി തന്നില്ല.

കൊച്ച് കുട്ടികൾക്ക് പഠനോപകരണ വിതരണം, കുറെ കുട്ടികളുടെ പഠനച്ചെലവ് ഏറ്റെടുക്കൽ, അന്ധ ദമ്പതികൾക്ക് ധനസഹായം എന്നിങ്ങനെയുള്ള കുറെയേറെ ജീവകാരുണ്യ പ്രവർത്തനങ്ങളുടെ നല്ലൊരു മാതൃകയാണ് പഠനോത്സവം. ഇത്തരം പ്രവർത്തനങ്ങൾഏറ്റെടുക്കുന്ന ഗവർമെണ്ട് ആർട്ട്സ് കോളേജിലെ എസ്എഫ്ഐ വിദ്യാർത്ഥികൾ അഭിനന്ദനം അർഹിക്കുന്നു.