മമ്മൂട്ടിയെ നായകനാക്കി അജയ് വാസുദേവ് സംവിധാനം ചെയ്യുന്ന ചിത്രത്തിൽ തമിഴ് താരം രാജ്കിരണും അഭിനയിക്കുന്നു.മമ്മൂട്ടിക്ക് ചിത്രത്തിൽ നായികയില്ല.ഷൈലോക്ക് എന്ന് പേരിട്ടിരിക്കുന്ന ചിത്രത്തിന്റെ പൂജയും ഒരു ദിവസത്തെ ഷൂട്ടിംഗും ഇന്ന് കൊച്ചിയിലെ ഐ.എം.എ ഹാളിൽ നടക്കും.മീന ഒരു പ്രധാന വേഷത്തിൽ അഭിനയിക്കുന്നുണ്ട്.ആഗസ്റ്റ് ആദ്യമാണ് ഷൂട്ടിംഗ് പുനരാരംഭിക്കുന്നത്.ഗാനഗന്ധർവനിൽ അഭിനയിച്ചു കൊണ്ടിരിക്കുന്ന മമ്മൂട്ടി ചടങ്ങിൽ പങ്കെടുക്കും.ഗുഡ് വിൽ എന്റർടെയ്ൻമെന്റ്സിന്റെ ബാനറിൽ ജോബി ജോർജാണ് ചിത്രം നിർമ്മിക്കുന്നത്.അനീഷ് ഹമീദും ബിബിൻ മോഹനും ചേർന്നാണ് തിരക്കഥ എഴുതിരിക്കുന്നത്.ഗാനഗന്ധർവന്റെ ഷൂട്ടിംഗ് 18ന് പൂർത്തിയാകും.അതിന് ശേഷം മമ്മൂട്ടി കുടുംബ സമേതം വിദേശ പര്യടനത്തിന് തിരിക്കും.മടങ്ങിയെത്തിയ ശേഷം ഷൈലോക്കിന്റെ സെറ്റിൽ ജോയിൻ ചെയ്യും.