ഫഹദ് ഫാസിലും സൗബിൻ ഷാഹിറും ശ്രീനാഥ് ഭാസി, ഷൈൻ നിഗം തുടങ്ങിയവർ തകർത്ത് അഭിനയിച്ച കുമ്പളങ്ങി നൈറ്റ്‌സിലെ ഡിലീറ്ര് ചെയ്ത രംഗം പുറത്തുവിട്ടു. സിനിമയിൽ ഫഹദ് ഫാസിൽ അവതരിപ്പിച്ച ഷമ്മിയെന്ന സൈക്കോ കഥാപാത്രം എല്ലാവരുടെയും കയ്യടി നേടിയിരുന്നു. ശ്യാംപുഷ്‌കരന്റെ രചനയിൽ മധു സി നാരായണനാണ് ചിത്രം സംവിധാനം ചെയ്തത്.

ചിത്രത്തിൽ ഫഹദ് ഫാസിൽ അവതരിപ്പിച്ച ഷമ്മി എന്ന കഥാപാത്രത്തെ സെെക്കോ ആയാണ് സോഷ്യൽ മീഡിയ വിലയിരുത്തിയത്. എന്നാൽ ഷമ്മി നല്ല ഒരു കുടുംബസ്നേഹിയാണെന്നും ചിലർ ചൂണ്ടിക്കാട്ടുന്നുണ്ട്. സിനിമയിൽ ഉൾപ്പെടുത്താത്ത ഒരു രംഗമാണ് ഇപ്പോൾ പുറത്തുവിട്ടിരിക്കുന്നത്. സിമിയുടെ ചിറ്റപ്പന്റെ വീട്ടിലെ വിരുന്നിൽ പങ്കെടുത്ത് ഷമ്മിയും സിമിയും ബേബിയും തിരിച്ചുപോകുന്നതിനിടെയുള്ള സംഭഷണ രംഗമാണിത്.