വില ₹25.33 ലക്ഷം മുതൽ
കൊച്ചി: ഹ്യുണ്ടായി അവതരിപ്പിക്കുന്ന ഇന്ത്യയിലെ ആദ്യ ഫുള്ളി ഇലക്‌ട്രിക് എസ്.യു.വിയായ കോന ഇലക്‌ട്രിക് കേരള വിപണിയിലെത്തി. 39.2 കെ.ഡബ്ള്യു.എച്ച് ലിഥിയം അയൺ പോളിമർ ബാറ്ററിയും പെർമനന്റ് മാഗ്‌നറ്ര് സിൻക്രണസ് ഇലക്‌ട്രിക് മോട്ടറുമാണുള്ളത്.136 പി.എസ് കരുത്തും 395 എൻ.എം ടോർക്കുമുള്ള മോട്ടോറാണിത്.
പൂജ്യത്തിൽ നിന്ന് 100 കിലോമീറ്രർ വേഗം കൈവരിക്കാൻ 9.7 സെക്കൻഡ് മതി. ഒറ്റ ചാർജിംഗിൽ 452 കിലോമീറ്റർ ദൂരം സഞ്ചരിക്കുമെന്നതാണ് മുഖ്യ സവിശേഷത. അതിവേഗ ബാറ്ററി ചാർജിംഗും പ്രത്യേകതയാണ്. ആറ് എയർ ബാഗുകൾ, ഇ.ബി.ഡിയോട് കൂടിയ എ.ബി.എസ്., ഇലക്‌ട്രോണിക് സ്‌റ്റെബിലിറ്രി കൺട്രോൾ തുടങ്ങിയ മികവുകളുമുണ്ട്. ആകർഷകമാണ് രൂപകല്‌പന. വ്യത്യസ്‌തമായ ഗ്രിൽ, അതിൽ ഇന്റഗ്രേറ്റഡ് ചാർജിംഗ് പോർട്ട്, എൽ.ഇ.ഡിയോട് കൂടിയ ഹൈഡ്‌ലൈറ്റും ഡി.ആർ.എല്ലും, റൂഫ്‌റെയിലുകളും 17-ഇഞ്ച് അലോയ് വീലുകളും എന്നിവ കോനയെ മനോഹരമാക്കുന്നു. 17.77 സെന്റീമീറ്രർ ഫ്ളോട്ടിംഗ് ടച്ച് സ്‌ക്രീൻ ഇൻഫോടെയ്ൻമെന്റ്, മൾട്ടി ഫംഗ്‌ഷൻ സ്‌റ്റിയറിംഗ് വീൽ, ഓട്ടോമാറ്രിക് എ.സി., സ്‌മാർട്‌ഫോൺ വയർലെസ് ചാർജിംഗ്, നിലവാരമേറിയ സീറ്റുകൾ എന്നിവ അകത്തളത്തിലെ മികവുകളാണ്. 25.33 ലക്ഷം രൂപ മുതലാണ് കേരളത്തിൽ എക്‌സ്‌ഷോറൂം വില. കിലോമീറ്റർ പരിധിയില്ലാതെ മൂന്നുവർഷ വാറന്റി കോനയ്ക്ക് ലഭ്യമാണ്. ഹൈ വോൾട്ടേജ് ബാറ്ററിക്ക് എട്ടുവർഷം/1.60 ലക്ഷം കിലോമീറ്റർ വാറന്റിയുണ്ട്.