ഗപ്പിക്ക് ശേഷം ജോൺ പോൾ ജോർജ് സംവിധാനം ചെയ്യുന്ന അമ്പിളിയുടെ ടീസർ പുറത്തിറങ്ങി. സൗബിൻ ഷാഹിറിന്റെ വ്യത്യസ്തമായി വേഷമാണ് ചിത്രത്തിൽ അവതരിപ്പിക്കുന്നത്. ഒരു കടയിൽ നിന്ന് പുറത്തിറങ്ങിയ സൗബിൻ ആളുകളുടെ മുന്നിൽ വച്ച് ഡാൻസ് കളിക്കുന്നതാണ് ടീസറിൽ കാണുന്നത്. അമ്പിളിയുടെ ഫസ്റ്റ് ലുക്ക് പോസ്റ്റർ നേരത്തെ പ്രേക്ഷക ശ്രദ്ധയാകർഷിച്ചിരുന്നു.
നടി നസ്രിയയുടെ സഹോദരൻ നവീൻ നസീമിന്റെ അരങ്ങേറ്റചിത്രം കൂടിയാണ് അമ്പിളി. പരസ്യചിത്രങ്ങളിലൂടെ ശ്രദ്ധേയനായ ശരൺ വേലായുധനാണ് അമ്പിളിയുടെ കാമറ കൈകാര്യം ചെയ്തിരിക്കുന്നത്. ഗപ്പിയിലെ ഗാനങ്ങളൊരുക്കിയ വിഷ്ണു വിജയ് ആണ് സംഗീത സംവിധായകൻ. വിനായക് ശശികുമാറിന്റേതാണ് വരികൾ. എഡിറ്റിംഗ് കിരൺദാസ്. വിനേഷ് ബംഗ്ലാൻ കലാസംവിധാനവും മഷാർ ഹംസ കോസ്റ്റ്യൂം ഡിസൈനിംഗും, ആർ. ജി. വയനാടൻ മേക്കപ്പും നിർവഹിക്കുന്നു.
ഇ ഫോർ എന്റർടെയിൻമെന്റിന്റെ ബാനറിൽ മുകേഷ് ആർ.മേത്ത, എ.വി. അനൂപ്, സി.വി.സാരഥി എന്നിവരാണ് ചിത്രത്തിന്റെ നിർമ്മാണം.