കണ്ണൂർ: കനത്ത മഴയെ തുടർന്ന് കണ്ണൂർ, കാസർകോട്, മലപ്പുറം ജില്ലകളിലെ എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് അവധി. കണ്ണൂർ, കാസർകോട് ജില്ലകളിൽ റെഡ് അലർട്ട് പ്രഖ്യാപിച്ച സാഹചര്യത്തിലും കാലവർഷം ശക്തമായി തുടരുന്നതിനാലുമാണ് അവധി പ്രഖ്യാപിക്കുന്നതെന്ന് ജില്ലാ കളക്ടർമാർ ഫേസ്ബുക്ക് പേജുകളിലൂടെ അറിയിച്ചു. പ്രൊഫഷണൽ കോളേജുകൾക്കും സി.ബി.എസ്.ഇ, ഐ.സി.എസ്.ഇ സ്‌കൂളുകൾക്കും അംഗൻവാടികൾക്കും അവധി ബാധകമാണ്. അതേസമയം, ഇന്ന് നടക്കാനിരിക്കുന്ന സർവകലാശാല പരീക്ഷകൾക്ക് മാറ്റമില്ല.
കോട്ടയം ജില്ലയിൽ അയർക്കുന്നം വില്ലേജിലെ പുന്നത്തറ സെന്റ് ജോസഫ്‌സ് ഹൈസ്‌കൂൾ ഒഴികെ ദുരിതാശ്വാസ ക്യാമ്പുകൾ പ്രവർത്തിക്കുന്ന എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് ജില്ലാ കളക്ടർ അവധി പ്രഖ്യാപിച്ചു.