ടെഹ്‍റാൻ : നാലുദിവസം മുൻപ് ഇറാൻ പിടിച്ചെടുത്ത ബ്രിട്ടീഷ് കപ്പൽ സ്റ്റെനാ ഇംപറോയിലെ ജീവനക്കാരുടെ ദൃശ്യങ്ങൾ പുറത്ത്. മലയാളികൾ അടക്കമുള്ള ജീവനക്കാരുടെ ദൃശ്യങ്ങളാണ് ഇറാൻ പുറത്തുവിട്ടിരിക്കുന്നത്. കൊച്ചി സ്വദേശി ഡിജോ പാപ്പച്ചൻ അടക്കമുള്ളവർ ദൃശ്യങ്ങളിലുണ്ട്. ജീവനക്കാർ കപ്പലിനകത്തിരുന്ന് സംസാരിക്കുന്നതും ജോലി ചെയ്യുന്നതും ദൃശ്യങ്ങളിലുണ്ട്.
കപ്പലിലുള്ള 23 ജീവനക്കാരെയും കാണാൻ അനുവദിക്കണമെന്ന് ആവശ്യപ്പെട്ട് ഇറാന് കപ്പൽ കമ്പനി അധികൃതർ കത്ത് നൽകിയിരുന്നു ഇതുവരെ കപ്പലിലുള്ളവരുടെ ദൃശ്യങ്ങൾ ഇറാന് പുറത്തുവിട്ടിരുന്നില്ല.
കപ്പലിലുള്ള 23 ജീവനക്കാരിൽ 18 ഇന്ത്യക്കാരാണുള്ളത്. എറണാകുളം കളമശ്ശേരി സ്വദേശി ഡിജോ പാപ്പച്ചൻ കപ്പലിലുണ്ടെന്ന് സ്ഥിരീകരിച്ചിരുന്നു. എന്നാൽ മറ്റ് രണ്ടുപേരുടെ കാര്യത്തില്‍ ഇതുവരെ സ്ഥീരികരണം ഉണ്ടാിയട്ടില്ല.
ഹോർമൂസ് കടലിടുക്കിൽ വച്ച് വെള്ളിയാഴ്ചയാണ് ഇറാൻ സ്റ്റെനാ ഇംപറോ എന്ന ബ്രിട്ടീഷ് എണ്ണക്കപ്പൽ പിടിച്ചെടുത്തത്. ഉപരോധം ലംഘിച്ച് സിറിയയിലേക്ക് എണ്ണ കടത്തുന്നു എന്നാരോപിച്ച് ജൂലായ് 4ന് ഗ്രേസ് 1 എന്ന ഇറാനിയൻ എണ്ണക്കപ്പൽ ബ്രിട്ടൻ പിടിച്ചെടുത്തതിന് പ്രതികാരമായിട്ടായിരുന്നു ഇറാന്റെ നീക്കം
Iran's state TV has released video showing the crew on-board the British-flagged oil tanker that was seized by Tehran in the Strait of Hormuz last week.
— Sky News (@SkyNews) July 22, 2019
Get more on this story here: https://t.co/UGizzF1HIu pic.twitter.com/CWLqJX4w46