ലണ്ടൻ: ബ്രിട്ടൻ പ്രധാനമന്ത്രിയായി ചുമതലയേറ്റ ബോറിസ് ജോൺസന്റെ ഉന്നത ഉദ്യോഗസ്ഥ വൃന്ദത്തിൽ മൂന്ന് ഇന്ത്യൻ വംശജരും. പ്രീതി പട്ടേൽ,​ അലോക് ശർമ്മ,​ ഋഷി സുനാക് എന്നിവരാണ് ബ്രിട്ടീഷ് മന്ത്രിസഭയിലെ ഇന്ത്യൻ വംശജർ.

 പ്രീതി പട്ടേൽ

ആഭ്യന്തര സെക്രട്ടറിയായി നിയമനം. 47 വയസ്. ബ്രിട്ടനിലെ ആദ്യ ഇന്ത്യൻ വംശജയായ ആഭ്യന്തര സെക്രട്ടറി. ദേശസുരക്ഷ,​ കുടിയേറ്റം,​ വിസ പോളിസി എന്നിവയുടെ ചുമതല വഹിക്കും. കൺസർവേറ്റീവ് പാർട്ടി അംഗമായ പ്രീതി,​ തെരേസ മേയ് സർക്കാരിൽ അന്താരാഷ്ട്ര വികസന വകുപ്പ് സെക്രട്ടറിയായിരുന്നു. ബോറിസ് ജോൺസന്റെ അടുത്ത അനുയായിയും ബ്രക്സിറ്റിന്റെ കടുത്ത അനുകൂലവാദിയുമാണ് പ്രീതി.

 അലോക് ശർമ്മ

അന്താരാഷ്ട്ര വികസനത്തിന്റെ ചുമതലയുള്ള ചീഫ് സെക്രട്ടറിയായി നിയമനം. 51 വയസ്. വിദേശ രാജ്യങ്ങൾക്കുള്ള ബ്രിട്ടന്റെ സാമ്പത്തിക സഹായത്തിന്റെ ചുമതല വഹിക്കും. റീഡിൽ വെസ്റ്റിൽനിന്നുള്ള എം.പിയാണ് അലോക് ശർമ്മ. കടുത്ത ബ്രക്സിറ്റ് വാദി.

 ഋഷി സുനാക്

ട്രഷറിയുടെ ചുമതലയുള്ള ചീഫ് സെക്രട്ടറിയായി നിയമനം. 39 വയസ്. മുമ്പ് തദ്ദേശഭരണ വകുപ്പിൽ ജൂനിയർ മിനിസ്റ്ററായിരുന്നു. ഇൻഫോസിസ് സ്ഥാപകൻ എൻ.ആർ നാരായണമൂർത്തിയുടെ മകൾ അക്ഷതയുടെ ഭർത്താവ്.