പത്തനംതിട്ട: പത്തനംതിട്ട നഗരത്തിലെ ജുവലറിയിൽ ജീവനക്കാരെന കെട്ടിയിട്ട് കവർച്ച നടത്തിയ സംഭവത്തിൽ മുഖ്യപ്രതി പിടിയിൽ. ജുവലറിയിലെ ജീവനക്കാരനായ അക്ഷയ് പട്ടേലാണ് പിടിയിലായത്. മഹാരാഷ്ട്ര സ്വദേശിയായ ഇയാൾ രണ്ടാഴ്ച മുമ്പാണ് ജോലിയിൽ കയറിയത്. കോഴഞ്ചേരിയിൽ നിന്നാണ് ഇയാൾ പിടിയിലായത്. പ്രതിയെ പൊലീസ് ചോദ്യം ചെയ്തുവരുന്നു.

വൈകിട്ട് അഞ്ചരയോടെയാണ് നഗരത്തിലെ കൃഷ്ണാ ജുവലേഴ്സിൽ മോഷണം നടന്നത്. നാല് കിലോ സ്വർണമാണ് മോഷ്ടിക്കപ്പെട്ടത്.

കവർച്ചക്കിടെ ജീവനക്കാരന് പരുക്കേറ്റിരുന്നു. അഞ്ചംഗ സംഘമാണ് മോഷണം നടത്തിയതെന്ന് പൊലീസ് പറയുന്നു. മഹാരാഷ്ട്ര സ്വദേശിയായ മറ്റൊരു ജീവനക്കാരന്റെ സഹായത്തോടെയായിരുന്നു കവർച്ചയെന്ന് പൊലീസ് നേരത്തെ സ്ഥിരീകരിച്ചിരുന്നു. മറ്റുപ്രതികൾക്കായി പൊലീസ് അന്വേഷണം തുടങ്ങി.