ലക്‌നൗ: പശുക്കൾ ഹിന്ദുക്കളാണെന്നും ചത്താൽ കുഴിച്ചിടരുതെന്നും ഉത്തർപ്രദേശിലെ ബി.ജെ.പി നേതാവ്. പശുക്കൾ ചത്താൽ ദഹിപ്പിക്കണമെന്നാണ് ബരാബങ്ക മുൻസിപ്പാലിറ്റി ചെയർപേഴ്‌സന്റെ ഭർത്താവായ രഞ്ജിത് ശ്രീവാസ്തവയുടെ ആവശ്യം.

പശുക്കൾ ഹിന്ദുക്കളാണെന്നും അവ ചത്താൽ കുഴിച്ചിടുന്നത് മുസ്ലീം ആചാര രീതിയാണെന്നും അതിനാൽ അവയെ ദഹിപ്പിക്കാൻ വൈദ്യുത ശ്മശാനം വേണമെന്ന് മുഖ്യമന്ത്രി യോഗി ആദിത്യനാഥിനെ അറിയിക്കുമെന്നും രഞ്ജിത് ശ്രീവാസ്തവ വ്യക്തമാക്കി.

'പശുക്കൾക്ക് ബരാബങ്കയിൽ വൈദ്യുത ശ്മശാനം ലഭിക്കാനായിട്ട് എന്റെ കഴിവിന്റെ പരമാവധി ഞാൻ ശ്രമിക്കും. ഇക്കാര്യത്തെക്കുറിച്ച് ഞാൻ യോഗിജിയോട് അഭ്യർത്ഥിക്കുകയയാണ് . ഞാൻ ഈ മുൻസിപ്പാലിറ്റിയുടെ മുൻ ചെയർമാനാണ്. ഇപ്പോഴത്തെ ചെയർപേഴ്‌സന്റെ ഭർത്താവാണ്.'കഴിഞ്ഞ ദിവസം ചേർന്ന മുൻസിപ്പാലിറ്റി യോഗത്തിലായിരുന്നു നേതാവിന്റെ പ്രസംഗം.