ലക്‌നൗ: ബി.ജെ.പി എം.എൽ.എയ്ക്കെതിരെ ലൈംഗിക പീഡനപരാതി നൽകിയ പെൺകുട്ടി സഞ്ചരിച്ച വാഹനം അപകടത്തിൽപ്പെട്ട സംഭവത്തിൽ പൊലീസ് കേസെടുത്തു. എം.എൽ.എ കുൽദീപ് സെൻഗാർ അടക്കം പത്ത് പേർക്കെതിരെയാണ് ഉത്തർപ്രദേശ് പൊലീസ് കൊലക്കുറ്റം അടക്കമുള്ള വകുപ്പുകൾ ചേർത്ത് കേസ് രജിസ്റ്റർ ചെയ്തിരിക്കുന്നത്. സംഭവത്തിൽ പൊലീസ് കേസെടുക്കുന്നില്ലെന്ന ആക്ഷേപം ഉയർന്നിരുന്നു. അപകടത്തിൽ പെൺകുട്ടി പരിക്കേൽക്കുകയും ഒപ്പമുണ്ടായിരുന്ന രണ്ട് അമ്മായിമാർ മരിക്കുകയും ചെയ്തിരുന്നു. കൂടാതെ ഇവർക്ക് വേണ്ടി കോടതിയിൽ ഹാജരായ ‌അഭിഭാഷകനും ഗുരുതരമായ പരിക്കേറ്റിട്ടുണ്ട്.

അപകടത്തിന് ഇടയാക്കിയ ട്രക്കിന്റെ നമ്പർ പ്ലേറ്റ് കറുത്ത ചായമടിച്ച് മറച്ചതും അപകടത്തിന് മുമ്പ് പെൺകുട്ടിയുടെ കുടുംബത്തിന് നൽകിയിരുന്ന സുരക്ഷ പിൻവലിച്ചെന്ന ആരോപണവുമാണ് ദുരൂഹതയുണ്ടാക്കിയത്. സംഭവം ആസൂത്രിതമായ കൊലപാതകമാണെന്നും ഇക്കാര്യത്തിൽ സി.ബി.ഐ അന്വേഷണം വേണമെന്നും പ്രതിപക്ഷ നേതാക്കൾ നേരത്തെ ആവശ്യപ്പെട്ടിരുന്നു. ഇക്കാര്യം പ്രതിപക്ഷ പാർട്ടികൾ രാജ്യസഭയിലും ഉന്നയിച്ചു. അപകടത്തിന് പിന്നിൽ സെൻഗാർ ആണെന്നും അയാൾക്കെതിരെ ശക്തമായ നടപടിയെടുക്കണമെന്നും പെൺകുട്ടിയുടെ അമ്മ ആവശ്യപ്പെട്ടു. സംഭവത്തിൽ സി.ബി.ഐ അന്വേഷണം വേണമെന്ന് ഉത്തർപ്രദേശ് മുൻ മുഖ്യമന്ത്രി അഖിലേഷ് യാദവും ആവശ്യപ്പെട്ടിട്ടുണ്ട്. വിഷയത്തിൽ നടപടി ആവശ്യപ്പെട്ട് പ്രിയങ്കാ ഗാന്ധി അടക്കമുള്ള നേതാക്കളും രംഗത്തെത്തിയിട്ടുണ്ട്.

റായ്‌ബറേലിയിൽ വച്ച് ഇന്നലെ ഉച്ചയ്ക്ക് ഒരു മണിയോടെയുണ്ടായ അ​പ​ക​ട​ത്തി​ൽ​ ​പെൺകുട്ടി സഞ്ചരിച്ചിരുന്ന കാ​ർ​ ​പൂ​ർ​ണ​മാ​യും​ ​ത​ക​ർ​ന്നു.​ ​പെ​ൺ​കു​ട്ടി​ക്കു​വേ​ണ്ടി​ ​കോ​ട​തി​യി​ൽ​ ​ഹാ​ജ​രാ​യ​ ​അ​ഭി​ഭാ​ഷ​കനാണ് വാഹനം ഓടിച്ചിരുന്നതെന്ന് ദേ​ശീ​യ​ ​വാ​ർ​ത്താ​ ​ഏ​ജ​ൻ​സി​യാ​യ​ ​എ.​എ​ൻ.​ഐ​ ​റി​പ്പോ​ർ‍​ട്ട് ​ചെ​യ്യു​ന്നു.​ ​യു.​പി​ ​ത​ല​സ്ഥാ​ന​മാ​യ​ ​ല​ക്‌നൗ​വി​ൽ​നി​ന്ന് 45​ ​കി​ലോ​മീ​റ്റ​ർ​ ​അ​ക​ലെ​യു​ള്ള​ ​ഉ​ന്നാ​വോ​യി​ലാ​ണു​ ​പെ​ൺ​കു​ട്ടി​യും​ ​കു​ടും​ബ​വും​ ​താ​മ​സി​ക്കു​ന്ന​ത്.​ ​റാ​യ്ബ​റേ​ലി​യി​ലെ​ ​ജി​ല്ലാ​ ​ജ​യി​ലി​ലു​ള്ള​ ​അ​മ്മാ​വ​നെ​ ​സ​ന്ദ​ർ​ശി​ക്കാ​നാ​യി​ ​പോ​കു​ക​യാ​യി​രു​ന്നു​ ​പെ​ൺ​കു​ട്ടി​യും​ ​കു​ടും​ബ​വും.​ ​അ​പ​ക​ട​മു​ണ്ടാ​ക്കി​യ​ ​ട്ര​ക്കി​ന്റെ​ ​ഡ്രൈ​വ​ർ​ ​സം​ഭ​വ​ ​സ്ഥ​ല​ത്തു​നി​ന്ന് ​ഓ​ടി​ ​ര​ക്ഷ​പ്പെ​ട്ടു.​ അതേസമയം ട്രക്കിന്റെ നമ്പർ പ്ളേറ്റ് കറുത്ത പെയിന്റ് ഉപയോഗിച്ച് മായ്ച്ച് കളഞ്ഞ നിലയിലായിരുന്നു.ട്രക്കിന്റെ ഡ്രൈവറെയും ഉടമയേയും പൊലീസ് കസ്റ്റഡിയിലെടുത്തു. വിശദമായ അന്വേഷണം നടത്തിയ ശേഷമേ ​സം​ഭ​വ​ത്തി​ൽ​ ​ഗൂ​ഢാ​ലോ​ച​ന നടന്നിട്ടുണ്ടോയെന്ന് വ്യക്തമാകൂയെന്ന് പൊലീസ് പറഞ്ഞു.

2017​ ​ജൂ​ൺ​ ​നാ​ലി​നാ​ണ് ​പെ​ൺ​കു​ട്ടി​ ​പീഡനത്തിന് ഇ​ര​യാ​യ​ത്. ജോ​ലി​ ​അ​ഭ്യ​ർ​ത്ഥി​ച്ച് ​ഒ​രു​ ​ബ​ന്ധു​വി​നൊ​പ്പം​ ​എം.​എ​ൽ.​എ​യു​ടെ​ ​വീ​ട്ടി​ലെ​ത്തി​യ​ ​പെ​ൺ​കു​ട്ടി​യെ​ ​കു​ൽ​ദീ​പ് ​സെ​ൻ​ഗാ​ർ​ ​മാ​ന​ഭം​ഗ​പ്പെ​ടു​ത്തി​യ​താ​യാ​ണ് ​പ​രാ​തി.​ ​എം.എ​ൽ.​എക്കെ​തി​രെ​ ​പ​രാ​തി​ ​ന​ൽ​കി​യെ​ങ്കി​ലും​ ​ന​ട​പ​ടി​യു​ണ്ടാ​കാ​ത്ത​തി​നെ​ ​തു​ട​ർ​ന്ന് ​പെ​ൺ​കു​ട്ടി​യും​ ​പി​താ​വും​ ​യു.​പി​ ​മു​ഖ്യ​മ​ന്ത്രി​ ​യോ​ഗി​ ​ആ​ദി​ത്യ​നാ​ഥി​ന്റെ​ ​വ​സ​തി​യി​ലെ​ത്തി​ ​ആ​ത്മ​ഹ​ത്യാ​ശ്ര​മം​ ​ന​ട​ത്തി​യ​തോ​ടെ​യാ​ണ് ​സം​ഭ​വം​ ​വാ​ർ​ത്ത​യാ​യ​ത്.​ ​കു​ൽ​ദീ​പ് ​സെ​ൻ​ഗാ​റി​നെ​യും​ ​സ​ഹോ​ദ​ര​നെ​യും​ ​പി​ന്നീ​ട് ​പൊ​ലീ​സ് ​അ​റ​സ്റ്റ് ​ചെ​യ്തു.​ ​ക​ഴി​ഞ്ഞ​ ​ഒ​രു​വ​ർ​ഷ​മാ​യി​ ​ഇ​വ​ർ​ ​ജ​യി​ലി​ലാ​ണ്.​ ​സം​ഭ​വ​ത്തി​ൽ​ ​ഡ​ൽ​ഹി​യി​ലു​ൾ​പ്പെ​ടെ​ ​വ​ൻ​ ​പ്ര​തി​ഷേ​ധ​മു​യ​ർ​ന്നി​രു​ന്നു.​ ​തു​ട​ർ​ന്ന് ​കേ​സ് ​സി.​ബി.​ഐക്ക് ​കൈ​മാ​റി​യി​രു​ന്നു.​ ​ഇ​തി​നി​ടെ​ ​ന​ട​പ​ടി​ ​ആ​വ​ശ്യ​പ്പെ​ട്ട് ​പൊ​ലീ​സ് ​സ്റ്റേ​ഷ​നി​ലെ​ത്തി​യ​ ​പെ​ൺ​കു​ട്ടി​യു​ടെ​ ​പി​താ​വ് ​പൊ​ലീ​സ് ​ക​സ്റ്റ​ഡി​യി​ൽ​ ​ചി​കി​ത്സ​യി​ലി​രി​ക്കെ​ ​കൊ​ല്ല​പ്പെ​ട്ടി​രു​ന്നു. പെൺകുട്ടിയുടെ വാഹനം അപകടത്തിൽപെട്ടതോടെ ഈ സംഭവത്തിലും അന്വേഷണം വേണമെന്ന ആവശ്യം ശക്തമായിട്ടുണ്ട്.