കൊല്ലം: പട്ടം എസ്.യു.ടി ആശുപത്രിയും കൊല്ലം സിംസ് ക്ളിനിക്കും ചേർന്ന് നടത്തുന്ന കൊല്ലത്തെ പുതിയ ഇൻവേസീവ് സർജറി ക്ളിനിക് പ്രവർത്തനം ആരംഭിച്ചു. പട്ടം എസ്.യു.ടി ചീഫ് അഡ്‌മിനിസ്‌ട്രീറ്റീവ് ഓഫീസർ കേണൽ രാജീവ് മണ്ണാളി ഉദ്ഘാടനം ചെയ്‌തു. താക്കോൽദ്വാര ശസ്‌ത്രക്രിയ ഉൾപ്പെടെ, അതിനൂതനവും വേദന കുറഞ്ഞതുമായ സാങ്കേതികവിദ്യ ഉപയോഗിച്ചാണ് മിനിമലി ഇൻവേസീവ് സർജറി നടത്തുന്നത്.
പ്രമുഖ താക്കോൽദ്വാര ശസ്‌ത്രക്രിയാ വിദഗ്ദ്ധൻ ഡോ. ബൈജു സേനാധിപൻ അദ്ധ്യക്ഷത വഹിച്ചു. കാർഡിയാക് സർജൻ ഡോ. സുജിത്, ഓപ്പറേഷൻസ് മാനേജർ ഡോ. സോയി ജോസഫ് തുടങ്ങിയവർ സംബന്ധിച്ചു. കൊല്ലം ഇരുമ്പുപാലത്തിനടുത്ത് സേനാധിപൻ ഇൻസ്‌റ്റിറ്റ്യൂട്ട് ഒഫ് മെഡിക്കൽ സയൻസസിലാണ് സർജറി ക്ളിനിക് പ്രവർത്തിക്കുന്നത്.