തിരൂരങ്ങാടി​:​ ചെറുമുക്ക് ജീലാനിനഗറിലെ മീത്തിൽ മികച്ചാൻ മുഹമ്മദ്അലിയുടെ വീ​ട്ടി​ൽ​ ​നി​ന്ന് ​ തിങ്കളാഴ്ച രാത്രി മോഷ്ടിച്ച മൂ​ന്നു​ ​ല​ക്ഷം​ ​രൂ​പ​ ഇന്നലെ രാത്രി വീട്ടുപരിസരത്ത് തിരിച്ചു കൊണ്ടിട്ടു. സ്ഥ​ലം​ ​വി​റ്റ​ ​വ​ക​യി​ൽ​ ​ ​തി​ങ്ക​ളാ​ഴ്ച്ച​ ​രാ​ത്രി​ ​എ​ട്ട​ര​യ്ക്കാണ് വീട്ടുകാർക്ക് മൂന്നുലക്ഷം രൂപ ​കി​ട്ടി​യ​ത്.​​ ഇതാണ് രാത്രിയോടെ മോഷ്ടിച്ചത് . സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചതിനിടെ ഇന്നലെ രാത്രി എട്ടോടെയാണ് പണം അടുക്കളഭാഗത്ത് കടലാസിൽ പൊതിഞ്ഞ് കൊണ്ടുവന്നിട്ട നിലയിൽ കണ്ടെത്തിയത്. പണത്തോടൊപ്പം ​ ​സ്വ​ർ​ണ​വ​ള​യും​ ​മോ​തി​ര​വും​ ​ക​ള​വ് ​പോ​യിരുന്നു. ഇത് തിരിച്ചുകിട്ടിയിട്ടില്ല.

സ്ഥ​ലം​ ​വി​റ്റ​ ​വ​ക​യി​ൽ​ ​കി​ട്ടാ​നു​ള്ള​ ​ബാക്കി പ​ണമാണ് ​തി​ങ്ക​ളാ​ഴ്ച്ച​ ​രാ​ത്രി​യോടെ വീട്ടുകാർക്ക് കിട്ടിയത്. തുടർന്ന് ഇത് അലമാരയിൽ വച്ചു. രാത്രി 11ഓടെ ​അ​ടു​ക്ക​ള​ ​വാ​തി​ൽ​ ​തു​റ​ന്ന് ​കി​ട​ക്കു​ന്നത് കണ്ട് പരിശോധിച്ചപ്പോഴാണ് മോഷണം നടന്നതായി കണ്ടെത്തിയത്. അ​ലി​ ​സു​ഖ​മി​ല്ലാ​ത്ത​ത് ​കാ​ര​ണം​ ​സ​ഹോ​ദ​ര​ന്റെ​ ​വീ​ട്ടി​ലാ​യി​രു​ന്നു.​ ​രണ്ട് സ്ത്രീകളും മൂന്നു കുട്ടികളുമാണ് വീട്ടിലുണ്ടായിരുന്നത്.
പണം തിരിച്ചു കിട്ടിയ കാര്യം വീട്ടുകാർ അറിയിച്ചതിനെ തുടർന്ന് പൊലീസ് സ്ഥലത്തെത്തി നോട്ടുകൾ എണ്ണിത്തിട്ടപ്പെടുത്തി. പണം സ്റ്റേഷനിലേക്ക് കൊണ്ടുപോയി .