തിരുവല്ല : കഞ്ചാവ് ചെടികൾ വളർത്തിയകേസിൽ ഒളിവിലായിരുന്നവർ 53 പൊതി കഞ്ചാവുമായി എക്‌​സൈസ് പിടിയിൽ. തിരുവല്ല നന്നൂരിൽ വാടകയ്ക്ക് വീടെടുത്ത് കഞ്ചാവ് കച്ചവടം നടത്തി വരുകയായിരുന്ന വള്ളംകുളം പടിഞ്ഞാറു ചെങ്ങമൻ കോളനി സ്വദേശികളായ രതീഷ് (32), രാജീവ്​(32) എന്നിവരെയാണ് എക്‌​സൈസ് ഇൻസ്‌പെക്ടർ സെബാസ്റ്റ്യന്റെ നേതൃത്വത്തിൽ അറസ്റ്റ് ചെയ്തത്.. ഇവരിൽ നിന്ന് 400 ഗ്രാം കഞ്ചാവ് കണ്ടെത്തി. കഞ്ചാവ് എത്തിച്ചുനൽകിയ കിഴക്കൻ മുത്തൂർ സ്വദേശി സുബിൻ(21) നെയും അറസ്റ്റുചെയ്തു, കഞ്ചാവ് കടത്താൻ ഉപയോഗിച്ച ഇരുചക്ര വാഹനം പിടിച്ചെടുത്തു. രാജീവ്​, രതീഷ് എന്നിവർ കഞ്ചാവ് ചെടികൾ വളർത്തിയകേസിൽ ഒളിവിൽ കഴിഞ്ഞുവരികയായിരുന്നു. തിരുവല്ലയുടെ വിവിധ ഭാഗങ്ങളിൽ മാറി മാറി താമസിച്ചാണ് ഇവർ കഞ്ചാവ് കച്ചവടം നടത്തി വന്നത്.കോടതിയിൽ ഹാജരാക്കി റിമാൻഡ് ചെയ്തു.
പൊലീസുകാരായ പി.ഒ. സുശീൽ കുമാർ, സച്ചിൻ സെബാസ്റ്റ്യൻ, സിഇഒ വേണുഗോപാൽ, സിനിമോൾ, മിനിമോൾ ഡ്രൈവർ വിജയൻ എന്നിവർ റെയ്​ഡിൽ പങ്കെടുത്തു.