പത്തനംതിട്ട: സാക്ഷരതാമിഷൻ പൊതുവിദ്യാഭ്യാസവകുപ്പുമായി ചേർന്ന് നടത്തുന്ന 10​ാംക്ലാസ് തുല്യത 14​ാം ബാച്ചിലേയ്ക്കും ഹയർസെക്കൻഡറി തുല്യത 5​ാംബാച്ചിലേയ്ക്കുമുള്ള രജിസ്‌​ട്രേഷൻ ആരംഭിച്ചു. പത്താംക്ലാസ് തുല്യതയ്ക്ക് 2019 ജൂലൈ 1ന് 17വയസ് പൂർത്തിയാകുകയും 7​ാംക്ലാസ് വിജയിച്ചിരിക്കുകയും വേണം. കോഴ്‌​സിന് 1750​രൂപയും രജിസ്‌​ട്രേഷൻ ഫീസ് 100​രൂപയും ഉൾപ്പെടെ 1850​രൂപയുടെ ചെലാൻ എസ്.ബി.ഐ മഖേന അടയ്ക്കണം.
22 വയസ് പൂർത്തിയായതും10​ാംക്ലാസ് വിജയിച്ചതുമായ ഏതൊരാൾക്കും ഹയർസെക്കൻഡറി തുല്യതാ കോഴ്‌​സിന് ചേരാം. കോഴ്‌​സ് ഫീസ് 2200​രൂപയും രജിസ്‌​ട്രേഷൻ ഫീസ് 300​രൂപയും ഉൾപ്പെടെ 2500​രൂപയുടെ ചെലാൻ എസ്.ബി.ഐ മഖേന അടയ്ക്കണം. പട്ടികജാതി/പട്ടികവർഗ പഠിതാക്കൾക്ക് കോഴ്‌​സ് ഫീസ് സൗജന്യമാണ്. 40 ശതമാനത്തിൽ കൂടുതൽ അംഗവൈകല്യമുള്ളവർക്കും മെഡിക്കൽബോർഡ് സർട്ടിഫിക്കറ്റിന്റെ അടിസ്ഥാനത്തിൽ ഫീസിളവുണ്ട്. സാമ്പത്തികമായി പിന്നാക്കം നിൽക്കുന്ന 10​ാം ക്ലാസ് തുല്യതാ പഠിതാക്കൾക്ക് ജില്ലാപഞ്ചായത്ത് പദ്ധതിയിൽ ഉൾപ്പെടുത്തി ഫീസിളവ് അനുവദിച്ചിട്ടുണ്ട്. ഓഗസ്റ്റ് 15 വരെ പിഴയില്ലാതെയും 50 രൂപ പിഴയോടെ ഓഗസ്റ്റ് 30 വരെയും രജിസ്റ്റർ ചെയ്യാം. രജിസ്‌​ട്രേഷനും കൂടുതൽ വിവരങ്ങളും പത്തനംതിട്ട കളക്‌​ട്രേറ്റിൽ പ്രവർത്തിക്കുന്ന ജില്ലാസാക്ഷരതാ മിഷൻ ഓഫീസിൽ നിന്നും വിവിധ തദ്ദേശസ്വയംഭരണ സ്ഥാപനങ്ങളിൽ പ്രവർത്തിക്കുന്ന വികസന/വിദ്യാകേന്ദ്രം പ്രേരക്മാരിൽ നിന്നും ലഭ്യമാണ്. ഫോൺ:​ 0468​220799,9447050515.
രജിസ്‌​ടേഷന്റെ ജില്ലാതല ഉദ്ഘാടനം ഇന്ന് രാവിലെ 10.30ന് ജില്ലാപഞ്ചായത്ത്ഹാളിൽ ജില്ലാപഞ്ചായത്ത് പ്രസിഡന്റ് അന്നപൂർണാദേവി നിർവഹിക്കും.