പുല്ലാട് : കാശെറിഞ്ഞുള്ള കല്യാണം വേണ്ടെന്ന് പുല്ലാട് ദേവീ​വി​ലാസം എൻ. എസ്. എസ്. കര​യോഗം. നിശ്ചയം മുതൽ കല്യാണം വരെ നീളുന്ന ആർഭാടങ്ങൾ വൻ കടബാദ്ധ്യതയ്ക്ക് കാരണമാകുന്നത് ഒഴിവാക്കാനാണ് തീരുമാനം.

മുഴു​വൻ കര​യോഗ അംഗ​ങ്ങളെയും കത്ത​യച്ച് ക്ഷണിച്ച് നടത്തിയ വിശേ​ഷാൽ പൊതു​യോ​ഗ​ത്തിലാണ് തീരുമാനമെടുത്തത്. വിവാ​ഹ​ത്തോട് അനുബന്ധിച്ചുള്ള പല ചട​ങ്ങു​കളും ദുര​ഭി​മാ​നവും അനാ​ചാ​രവും മൂലം ഉണ്ടാ​കു​ന്ന​താ​ണെന്ന് പൊതു​യോഗം വില​യി​രു​ത്തി. ഇത് കുടും​ബ​ങ്ങളെ സാമ്പ​ത്തികമായി തകർക്കും.

വിവാ​ഹ​നി​ശ്ചയം പല​പ്പോഴും മിനി വിവാ​ഹ​മായി മാറുകയാണ്. ഇത് ഒഴിവാക്കണം. വിവാഹ നിശ്ചയം സ്വന്തം വീട്ടിൽ വച്ച് ലളി​ത​മായ ചട​ങ്ങു​ക​ളോടെ നട​ത്തണം.. ഇരു​പ​ക്ഷ​ത്തു​നിന്നും അൻപത് ആളു​കളെ മാത്രം പങ്കെ​ടു​പ്പി​ച്ചാൽ മതി​. പ്രത്യേക സാഹ​ച​ര്യ​ത്തിൽ ക്ഷണി​ക്ക​പ്പെ​ടേണ്ട ആളു​ക​ളുടെ എണ്ണം വർദ്ധി​പ്പി​ക്കേണ്ടി വന്നാൽ യാതൊരു കാര​ണ​വ​ശാലും നൂറിൽ കൂടാൻ പാടി​ല്ല. വിവാ​ഹ​നി​ശ്ചയം പന്ത്രണ്ട് മണിക്ക് മുമ്പ് പൂർത്തി​യാക്കുകയും സദ്യ ഒഴി​വാ​ക്കി ലഘു​ഭ​ക്ഷണം നൽകുകയും വേണം.
വിവാ​ഹ​ത്ത​ലേന്ന് വധു​വ​ര​ന്മാ​രുടെ വീട്ടിൽ നട​ത്തുന്ന വിരുന്ന് സൽക്കാ​ര​ങ്ങൾ ഒഴി​വാ​ക്കണം. സന്ദർശ​കർക്ക് ചായ സൽക്കാരം മാത്രം മതി. വിവാഹ ദിവസം വൈകു​ന്നേ​ര​മുള്ള അടു​ക്കള കാണൽ ചടങ്ങ് അവ​സാ​നി​പ്പി​ക്കണം. തൊട്ട​ടുത്ത ദിവ​സ​ങ്ങ​ളിൽ സൗക​ര്യ​പ്ര​ദ​മായ സമ​യത്ത് പത്തുപേരിൽ ഒതു​ങ്ങുന്ന ബന്ധു​ക്കൾ വരന്റെ ഗൃഹം സന്ദർശി​ച്ചാൽ മതി.
വിവാഹ ദിവസം അണി​യുന്ന സ്വർണം അൻപത് പവ​നിൽ താഴെ​ പ​രി​മി​ത​പ്പെടു​ത്താൻ ശ്രമി​ക്ക​ണം. വിവാഹ വസ്​ത്ര​ത്തിന്റെ വില​യിൽ മിതത്വം പാലിക്കണം.

തങ്ങ​ളുടെ മക്ക​ളുടെ വിവാഹം ആർഭാ​ട​ര​ഹി​ത​മായി നട​ത്തു​മെന്ന് പൊതുയോഗത്തിൽ പങ്കെടുത്ത പലരും അറിയിച്ചു.
കര​യോഗം പ്രസി​ഡന്റ് അനീഷ് വരി​ക്ക​ണ്ണാ​മല അദ്ധ്യ​ക്ഷത വഹിച്ച വിശേ​ഷാൽ പൊതു​യോഗം എൻ. എസ്.​എസ് പ്രതി​നിധി സഭാം​ഗവും എച്ച്. ആർ. സെൽ കോർഡി​നേ​റ്റ​റു​മായ കെ. പി. രമേശ് ഉദ്ഘാ​ടനം ചെയ്തു. താലൂക്ക് യൂണി​യൻ സെക്ര​ട്ടറി ശാന്ത​കു​മാ​രൻ നായർ മുഖ്യ​പ്ര​സംഗം നട​ത്തി. താലൂക്ക് യൂണി​യൻ അംഗം കെ. ജി. പുരു​ഷോ​ത്ത​മൻ നായർ, കര​യോഗം സെക്ര​ട്ടറി പി. ഉണ്ണി​കൃ​ഷ്ണൻ, സുനിൽകു​മാർ പുല്ലാ​ട്, മധു ഉഷ​സ്, ദിലീപ് കുമാർ, അജിത്ത് പുല്ലാ​ട്, തുള​സീ​ധരൻ നായർ, ശിവൻപിള്ള ചുഴു​കു​ന്നേൽ, ഷൈലജാ പണി​ക്കർ, ശ്രീകു​മാ​രി, സിന്ധു മഠ​ത്തി​ലേത്ത് തുട​ങ്ങി​യ​വർ ചർച്ച​കൾക്ക് നേതൃത്വം നൽകി.