പന്തളം : മല​പോലെ മാലിന്യം ദുർഗന്ധം കാരണം പന്ത​ള​ത്തു​കാർ മൂക്കു​പൊത്തേണ്ട സ്ഥിതിയാണ്. പന്തളം നഗ​ര​സഭാ പ്രദേ​ശത്തെ വിവിധയിട​ങ്ങ​ളിൽ നിന്നും ശേഖ​രി​ക്കുന്ന മാലി​ന്യ​ങ്ങൾ സംസ്‌കരി​ക്കു​ന്ന​തിന് പണിത ഖര​മാ​ലിന്യ സംസ്‌ക​രണ പ്ലാന്റി​ലേക്ക് കൊണ്ടു​വ​രുന്ന മാലി​ന്യ​ങ്ങ​ളാണ് കൂട്ടി​യി​ട്ടി​രി​ക്കു​ന്ന​ത്. ഇത് അഴു​കി​യാണ് ദുർഗന്ധം വമി​ക്കു​ന്ന​ത്. ഹോട്ട​ലു​കൾ, കോഴി​ക്ക​ട​കൾ, പഴം പച്ച​ക്കറി സ്റ്റാളു​കൾ, വിവിധ വ്യാപാ​ര​സ്ഥാ​പ​ന​ങ്ങൾ എന്നി​വി​ട​ങ്ങ​ളിൽ നിന്നുമുള്ളവയാണ് അഴുകി നാറുന്നത്. പന്തളം ജംഗ്ഷന് സമീ​പ​മുള്ള കുറു​ന്തോ​ട്ടയം ചന്ത​യുടെ കിഴ​ക്കു​ഭാ​ഗ​ത്താ​യാണ് മാലിന്യ സംസ്‌ക​രണ പ്ലാന്റ് സ്ഥാപി​ച്ചി​ട്ടു​ള്ള​ത്. പ്ലാന്റിന് പുറത്ത് മുട്ടാർ നിർച്ചാ​ലിന് സമീ​പ​ത്താണ് മാലിന്യം ഇപ്പോൾ കൊണ്ടി​ടു​ന്ന​ത്. മാലിന്യ സംസ്‌ക​ര​ണ​പ്ലാന്റ് ജന​നി​ബി​ഡ​മായ പന്തളം ജംഗ്ഷന് സമീപം സ്ഥാപി​ക്കു​ന്ന​തിന് പരി​സ്ഥി​പ്ര​വർത്തകരുടെയും മറ്റും എതിർപ്പുണ്ടായിരുന്നു. എന്നാൽ ജന​ങ്ങൾക്ക് ബുദ്ധി​മുട്ടുണ്ടാ​കില്ലെന്ന് ഉറപ്പ് നൽകി​യാണ് പഞ്ചാ​യത്ത് പ്ലാന്റ് ഇവിടെ സ്ഥാപി​ച്ച​ത്. കഴിഞ്ഞ പ്രള​യ​ത്തിന് ശേഷം പ്രവർത്തനം പൂർണ​മായും നില​ച്ചതോടെ മാലി​ന്യ​ങ്ങൾ ചാലി​നോട് ചേർന്നസ്ഥലത്ത് കുന്നു​പോലെ കൂടുകയാണ്. ഹോട്ട​ലു​ക​ളിലെയും കോഴി​ക്ക​ട​ക​ളിൽ നിന്നു​മുള്ള അവശിഷ്ടങ്ങൾ മത്സ്യ​കർഷ​ക​നായ കണ്ണൻ കട​ക​ളിൽ നിന്ന് തന്നെ ശേഖ​രി​ച്ചു​കൊ​ണ്ടു​പോ​കു​മാ​യി​രു​ന്നു. എന്നാൽ ചില രാഷ്ട്രീയ കക്ഷി​നേതാ​ക്കളു​മായുള്ള അഭി​പ്രാ​യ​വ്യത്യാ​സത്തെതുടർന്ന് മത്സ്യ​കർഷ​കൻ കട​ക​ളിൽ നിന്നും മാലിന്യം കൊണ്ടു​പോ​കുന്നത് നിറുത്തിയതോടെ നഗ​ര​സഭ തന്നെ എടു​ക്കേ​ണ്ടി​വ​ന്നു. ഹോട്ടൽ മാലിന്യമാണ് കൂടുതൽ ദുർഗന്ധത്തിന് കാരണം.

രാത്രികാലങ്ങളിൽ മാലിന്യം തള്ളുന്നു

ചുറ്റു​മ​തിലും ഗേറ്റു​മി​ല്ലാ​ത്ത​തി​നാൽ സമീപ സ്ഥല​ങ്ങ​ളിൽ നിന്നും രാത്രി​കാ​ല​ങ്ങ​ളിൽ മത്സ്യ​ത്തി​ന്റെയും ഇറ​ച്ചി​ക​ട​ക​ളിൽ നിന്നും കന്നു​കാ​ലി​ക​ളു​ടെയും, കോഴി​ക​ട​ക​ളിലെ അവ​ശി​ഷ്ട​ങ്ങളും വാഹ​ന​ത്തിൽ കൊണ്ടു​വന്ന് ഇവിടെ തള്ളു​ന്നു​ണ്ട്. പന്തളം നഗ​ര​സഭാ, ഗ്രാമ​ന്യാ​യാ​ല​യം, ട്രഷ​റി, കെ.​എ​സ്.​ആർ.​ടി.​സി, സ്വകാര്യ ബസ് സ്റ്റാന്റാഡ്, കെ.​എ​സ്.​ഇ.ബി ഓഫീ​സ്, വിവിധ ധന​കാര്യ സ്ഥാപ​ന​ങ്ങൾ എന്നി​വി​ട​ങ്ങ​ളിലെ ജീവ​ന​ക്കാരും ഇവിടെ എത്തുന്ന ജന​ങ്ങളും വ്യാപാ​രി​ക​ളു​മുൾപ്പെടെ ദുർഗന്ധം സഹിക്കുകയാണ്. ഈ ഭാഗ​ങ്ങ​ളിലെ ഹോട്ട​ലു​ക​ളിലും ചായ​ക​ട​ക​ളിലും ഭക്ഷണം കഴി​ക്കു​ന്ന​തിനും ആളുകൾക്ക് മടിയാണ്.

തുമ്പൂർമൂഴി മോഡൽ പ്ലാന്റ് പന്തളം നഗ​ര​സ​ഭ​യിലെ മൂന്നു പ്രദേ​ശ​ങ്ങ​ളി​ലായി സ്ഥാപിക്കും. ഇതി​നു​വേണ്ട തുക പദ്ധ​തി​യിൽ ഉൾപ്പെ​ടു​ത്തി​യി​ട്ടു​ണ്ട്. മാലി​ന്യ​ങ്ങൾ സംസ്‌ക​രിച്ച് ജൈവ​വ​ള​മാക്കി കർഷ​കർക്ക് നൽകു​ന്ന​തി​നുള്ള നട​പ​ടി​കൾ സ്വീക​രി​ക്കും.
ടി.​കെ.​സ​തി
(പന്തളം നഗ​ര​സഭ ചെയർപേ​ഴ്‌സൺ)

-തുമ്പൂർമൂഴി മോഡൽ പ്ലാന്റ് 3 എണ്ണം സ്ഥാപിക്കും

-ചെലവ് 6 ലക്ഷം രൂപ