ഓയൂർ: ഡി.വൈ.എഫ്.ഐ കളപ്പില, ചിക്കൂർ നിരപ്പുവിള യൂണി​റ്റുകളുടെ സംയുക്താഭിമുഖ്യത്തിൽ കളപ്പില വാർഡിലെ മുഴുവൻ കുട്ടികൾക്കും പഠനോപകരണ വിതരണവും എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്ക് ആദരവും സംഘടിപ്പിച്ചു. പി. ഐഷാപോ​റ്റി എം.എൽ.എ ഉദ്ഘാടനം ചെയ്തു. അരവിന്ദൻ അദ്ധ്യക്ഷത വഹിച്ചു. വെളിയം പഞ്ചായത്ത് പ്രസിഡന്റ് ഷൈലാ സലീംലാൽ പ്രതിഭകളെ ആദരിച്ചു. വെളിയം സർവീസ് സഹകരണ ബാങ്ക് പ്രസിഡന്റ് ആർ. പ്രേമചന്ദ്രൻ, സി.പി.എ ഓടനാവട്ടം ലോക്കൽ കമ്മി​റ്റി സെക്രട്ടറി സോമശേഖരൻ, ഡി.വൈ.എഫ്.ഐ നെടുവത്തൂർ ലോക്കൽ സെക്രട്ടറി എ.എസ്. അനീഷ്, മേഖലാ സെക്രട്ടറി അനന്ദു സലിംലാൽ, പഞ്ചായത്തംഗം ആർ. മനോഹരൻ, സി. ഗോപാലകൃഷ്ണപിളള, ടി. ഉദയൻ, യു.എസ്. അനുരാഗ്, അശ്വിൻ അശോക് എന്നിവർ സംസാരിച്ചു.