കൊ​ട്ടി​യം: കൊ​ല്ലം​ - ആ​യൂർ സം​സ്ഥാ​ന പാതയിൽ അ​യ​ത്തിൽ ബൈ​പാ​സ് ജം​ഗ്​ഷ​നി​ലെ പാ​ല​ങ്ങ​ളിൽ അ​പ​ക​ടം പ​തി​യി​രി​ക്കു​ന്നു. കാൽ​ന​ട​യാ​ത്ര​ക്കാർ ജാ​ഗ്ര​ത​യോ​ടെ ന​ട​ന്നി​ല്ലെ​ങ്കിൽ അ​പ​ക​ടം ഉ​റ​പ്പാണ്.

അ​യ​ത്തിൽ ബൈ​പാ​സ് ജം​ഗ്​ഷ​നിൽ അ​യ​ത്തിൽ ആ​റി​ന് കു​റു​കെ ര​ണ്ട് പാ​ലങ്ങ​ളാ​ണ് നി​ല​വി​ലു​ള്ള​ത്. ഒ​രെ​ണ്ണം ക​ണ്ണ​ന​ല്ലൂർ റോ​ഡി​ലും മ​റ്റൊ​ന്ന് ക​ല്ലുംതാ​ഴം ഭാ​ഗ​ത്തേ​ക്കു​ള്ള​ ബൈ​പാ​സ് റോ​ഡി​ലു​മാ​ണു​ള്ള​ത്. ക​ണ്ണ​ന​ല്ലൂർ ഭാ​ഗ​ത്തേ​ക്കു​ള്ള റോ​ഡി​ലു​ള്ള പാ​ല​ത്തോ​ട് ചേർ​ന്ന് കൂ​റ്റൻ പൈ​പ്പും ഘ​ടി​പ്പി​ച്ചി​ട്ടു​ണ്ട്. ഇ​വി​ടെ ട്രാ​ഫി​ക് സി​ഗ്‌​നൽ കാ​ത്ത് ഒ​രുവ​ശ​ത്ത് വാ​ഹ​ന​ങ്ങൾ കി​ട​ക്കു​മ്പോൾ മ​റു​വ​ശ​ത്ത്​കൂ​ടി വാ​ഹ​ന​ങ്ങൾ പൊ​യ്‌​ക്കൊ​ണ്ടി​രി​ക്കും. കാൽ​ന​ട​ക്കാർ​ക്ക് ന​ട​ന്നുപോ​കാൻ കഴിയാത്ത സ്ഥിതിയാണ് നിലവിലുള്ളത്. റോ​ഡി​ലേ​ക്കി​റ​ങ്ങി ന​ട​ന്നാൽ വാ​ഹ​ന​മി​ടി​ക്കു​മെ​ന്ന അ​വ​സ്ഥ​യും.

ബൈ​പാ​സി​ലെ പാ​ല​ത്തി​ലൂ​ടെ​യും ന​ട​ന്നുപോ​കാൻ പ​റ്റാ​ത്ത സ്ഥി​തി​യാ​ണു​ള്ള​തെ​ന്ന് പ്ര​ദേ​ശ​വാ​സി​കൾ പ​റ​യു​ന്നു. അ​യ​ത്തിൽ ജം​ഗ്​ഷ​നിൽ ക​ണ്ണ​ന​ല്ലൂർ ഭാ​ഗ​ത്തേ​ക്കോ ക​ല്ലുംതാ​ഴം ഭാ​ഗ​ത്തേ​ക്കോ ബ​സ് ക​യ​റു​ന്ന​തി​നാ​യി ബ​സ് സ്റ്റോ​പ്പി​ലേ​ക്ക് പോ​ക​ണ​മെ​ങ്കിൽ പാ​ല​ങ്ങൾ ക​ട​ക്കേ​ണ്ട സ്ഥി​തി​യാ​ണു​ള്ള​ത്. ക​ശു​അ​ണ്ടി തൊ​ഴി​ലാ​ളി​ക​ളും വി​ദ്യാർ​ത്ഥി​ക​ളും ഉൾ​പ്പ​ടെ നി​ര​വ​ധി പേ​രാ​ണ് ദി​വ​സ​വും പാ​ല​ത്തി​ലൂ​ടെ ന​ട​ന്നു​പോ​കു​ന്ന​ത്. ആ​യു​സി​ന്റെ ബ​ലം കൊ​ണ്ട് മാത്രമാണ് പാ​ലം ക​ട​ക്കുന്നതെന്നാണ് യാത്രക്കാർ പ​റ​യു​ന്ന​ത്.

കാൽനടയാത്രക്കാരുടെ ജീവന് ഭീഷണിയാകുന്ന ഇ​വി​ടെ ന​ട​പ്പാ​ലം നിർമ്മി​ക്ക​ണ​മെ​ന്ന ആ​വ​ശ്യ​വു​മാ​യി നാ​ട്ടു​കാർ പ്ര​തി​ഷേ​ധ​ത്തി​ന് ത​യ്യാ​റെ​ടു​ക്കു​ക​യാ​ണ്. അ​ടി​യ​ന്തിര​മാ​യി ന​ട​പ്പാ​ലം നിർ​മ്മി​ക്കു​വാൻ വേണ്ട ന​ട​പ​ടി​കൾ സ്വീ​ക​രി​ക്ക​ണ​മെ​ന്നാ​വ​ശ്യ​പ്പെട്ട് കോൺ​ഗ്ര​സ് ബ്ലോ​ക്ക് സെ​ക്ര​ട്ട​റി അ​യ​ത്തിൽ നി​സാം പൊ​തുമ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥർ​ക്കും കോർ​പ്പ​റേ​ഷൻ അ​ധി​കാ​രി​കൾ​ക്കും നി​വേ​ദ​നം നൽ​കിയിരിക്കുകയാണ്. വി​ഷ​യം എം.എൽ.എ​യു​ടെ ശ്ര​ദ്ധ​യിൽ​പ്പെ​ടു​ത്തു​വാ​നാ​ണ് നാ​ട്ടു​കാരുടെ തീ​രു​മാ​നം.